Nota de Prensa
José Manuel Balseiro criticou que os nacionalistas reclamen en Galicia que se estendan aos tripulantes as compensacións por paralización da actividade, cando nas Cortes non apoiaron unha iniciativa do PP que ofrecía solucións a este problema
O PPdeG CENSURA O “DOBRE DISCURSO” DO BNG RESPECTO DA MOCIÓN NA QUE ESA FORMACIÓN PEDÍA A URXENTE PUBLICACIÓN “DUNHAS AXUDAS QUE XA EXISTEN” PARA O SECTOR DA PESCA PERO QUE O GOBERNO CENTRAL AÍNDA NON ABONOU
• O portavoz do Mar do Grupo Parlamentario Popular salientou no Pleno Parlamentario que o Goberno de Zapatero “foi incapaz de aprobar en tempo e en forma” as ordes de axudas e que aínda “non se pagou nada”.
• O deputado popular cualificou de “peregrino” que se pretenda derivar o problema á Xunta de Galicia, cando a solución “non está en trasladar o problema aos demais, senón en esixir dilixencia e que o Goberno central cumpra co que promete”.
Santiago, 10 de xuño de 2009.- O portavoz do Mar do Grupo Parlamentario Popular de Galicia, José Manuel Balseiro, censurou hoxe, no Pleno da Cámara, o “dobre discurso” do BNG respecto da moción na que esa formación pedía a urxente publicación “dunhas axudas que xa existen” para o sector da Pesca pero que o Goberno central aínda non abonou. Balseiro explicou que xa foron publicadas a meirande parte das ordes de axudas, tanto para armadores como para tripulantes, aínda que “meses despois de terse comprometido a facelo”, polo que “novamente, a fórmula PSOE máis axudas máis Zapatero dá como resultado un tarde, mal e arrastro”.
José Manuel Balseiro criticou que os nacionalistas reclamen en Galicia que se estendan aos tripulantes as compensacións por paralización da actividade, cando nas Cortes non apoiaron unha iniciativa do PP que ofrecía solucións a este problema. “O Grupo Popular –indicou- non será cómplice nin coartada para que poidan dicir unha cousa aquí e outra ben distinta en Madrid”. O deputado lembrou que o seu partido logrou sacar adiante no Congreso unha iniciativa “moito máis ambiciosa que a que hoxe pretenden aprobar aquí” na que se reclamaba que as axudas poideran ser aboadas en espazos non superiores a 30 días e que as compensacións correspondentes aos armadores non se dilataran no tempo por máis de tres meses. Sen embargo, o BNG non votou a favor da dita iniciativa, polo que Balseiro pediu aos deputados nacionalistas que explicaran “cómo é posible que agora pretendan aparentar aquí que están preocupados polos mariñeiros, pois cando debían facelo, o BNG pregouse en apoio do Goberno de Zapatero, en contra dos intereses da flota galega”.
O portavoz do Mar do Grupo Parlamentario Popular salientou no Pleno parlamentario que o Goberno de Zapatero “foi incapaz de aprobar en tempo e en forma” as ordes de axudas e que aínda “non se pagou nada”. Tras apuntar que os afectados son arredor de 4.500 mariñeiros e 465 embarcacións das flotas de Gran Sol, Arrastre de litoral, artes fixas, palangre de superficie e NAFO, o deputado considerou “unha mostra máis do esquecemento que os actuais responsables do Goberno central teñen con respecto á flota galega” o feito de que o dito goberno non aproveite os mecanismos que a lexislación comunitaria reflicte “para compensar o impacto nas economías familiares dos profesionais e empresas do mundo do mar afectadas polas paradas da flota e a carencia de ingresos”. Unha situación da que o novo Goberno de Galicia “quixo facerse eco”, amosando a súa preocupación por escrito perante o departamento da ministra Elena Espinosa.
INCUMPRIMENTO DO GOBERNO CENTRAL
Para o PPdeG, “hai que reclamar dilixencia, celeridade e un compromiso firme” na aplicación das axudas. Nese sentido, o deputado popular cualificou de “peregrino” que se pretenda derivar o problema á Xunta de Galicia, cando a solución “non está en trasladar o problema aos demais, senón en esixir dilixencia e que o Goberno central cumpra co que promete”. O Goberno central “publicou tarde as ordes de paralización” e está a incumprir o articulado das ordes de axudas, que obrigan a efectuar o pagamento ao final do período da parada unha vez recaída resolución favorable. Sen embargo, indicou Balseiro, “hai barcos que empezaron a parar en outubro, arriscaron os seus cartos e hoxe non se lles paga”.
O portavoz do Mar do Grupo Popular considerou que o BNG pretendeu,“ocultar os graves erros cometidos” coa presentación da súa moción, xa que, dixo “son conscientes de que trasladar o problema ata a Xunta de Galicia non sería unha solución aceptable a día de hoxe”. Adiantar os cartos das axudas, explicou, “tendo en conta a amplitude da flota afectada e o número de embarcacións que existen na nosa comunidade esixiría reprogramar os fondos”, un proceso complexo, que precisa do visto e prace da Unión Europea “e que non ofrecería máis que demoras e atrasos na percepción das axudas”. Doutra banda, o deputado popular preguntou aos nacionalistas que se a solución era achegar fondos autonómicos “cómo é que non deixaron os fondos consignados nos orzamentos para 2009”.
Por último, José Manuel Balseiro recriminoulle ao BNG que dera “a calada por resposta” cando o Ministerio publicou a orde de axudas e deixou fóra á flota de artes fixas. “Vostedes tiveron máis dun ano para reclamar a súa inclusión, pero fano agora, sabedores de que non sería útil”, subliñou, antes de lamentar tamén que cando o BNG “tivo a forza de condicionar os orzamentos non lembraran este tipo de reclamacións, pois había que ceder e ser servís a Zapatero malia que quen perdera fora Galicia”.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
