BURELA (FNC) .- O alcalde de Burela, Alfredo Llano, acudiu nas últimas horas á xuntanza da Mancomunidade de Municipios da Mariña e na que se falou de orzamentos, das novas incorporación e de promoción turística. Llano explica que “tamén falamos dos estatutos porque hai que adaptalos á nova lexislación e cando estean rematados pasaránse ós concellos para a súa aprobación en pleno”. O rexedor burelés considera que “hai que darlle sentido á mancomunidade, esperemos que sirva para aquelo para o que foi creada… para compartir servizos, para compartir inquietudes, para levar adiante aquelo que sexa de interés global para todos. Agardamos que cheguemos a acordos que se vexan reflexados en melloras sustanciais nos concellos que forman parte desta mancomunidade”.
Executiva da Fegamp
Por outra banda o alcalde de Burela asistiu en Santiago a unha xuntanza da executiva da FEGAMP. Segundo explica Alfredo Llano “un dos puntos máis importantes que abordamos foron os asuntos económicos, aprobáronse os orzamentos deste 2009 e tamén analizamos a aportación do Estado e da Xunta ós concellos e tamén as xestións coas diversas consellerías, e teño que destacar a conversa que tiveron onte membros da FEGAMP con responsables de Traballo e Benestar sobre a contración nos concellos a través dos plans de cooperación”. O rexedor sinala que “hai moita preocupación porque ou ben non se atenderon as peticións ou se viron moi menguadas ou ben no persoal ou no tempo que van traballar, como é o caso de Burela”.
Llano segue a relatar que “despois acordamos por unanimidade unha proposta de resolución do consello federal en relación co financiamento local porque consideramos que igual que se vai facer agora cos tributos propios e de participación nos ingresos do Estado e da comunidade autónoma cando se resolva a financiación autonómica que tamén se resolvan os presupostos e a forma de aplicalos ós concellos, porque coa cantidade que servizos que lle prestamos ó cidadán sen unha axuda económica vai ser imposible. E pensando nos anos 2010 e 2011 antes de que se vexan mermadas esas aportacións tentamos que se compaginen algunhas medidas de interés xeral e que poidamos seguir ofrecendo os servizos que lle corresponden a cada cidadán desde o seu concello”.
Unha iniciativa destinada "a expresar apoio, afecto e solidariedade con Ceuta". A concentración terá lugar diante da Casa do Concello.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
