BURELA .- Do 31 de xullo ao 2 de agosto celebrarase en Burela a Feira dos produtos artesanais e ecolóxicos PRODUART09. ADEGA participará nesta Feira con posto e desenvolvendo diferentes actividades. O sábado 1 de agosto pola tarde terá lugar un Obradoiro de Biodiversidade para os nenos e nenas no recinto feiral (nova nave de redes do porto de Burela). Esta nova edición que ten como temática a biodiversidade e o medio ambiente, ADEGA participará cun stand informativo onde se expoñerán os diversos materiais divulgativos da asociación. O sábado pola tarde, Desirée Glez. Cardoso, educadora ambiental de ADEGA impartirá no mesmo recinto feiral, un obradoiro de Biodiversidade dirixido aos nenos e nenas que queiran achegarse e participar. Neste obradoiro aprenderemos a construír caixas niño, que servirán para favorecer a biodiversidade das aves nos nosos parques e xardíns.
PROGRAMA PRODUART 09
Feira dos produtos artesanais e ecolóxicos, do 31 de xullo ao 2 de agosto. Nova nave de redes de Burela
Mesas Redondas Produart 09. Xornadas sobre a Biodiversidade e o Medio Ambiente
I Mesa : As enerxías renovábeis: un futuro sostible para tod@s
– Lugar : recinto feiral
– Data e hora: venres 31 de xullo ás 20.00 h.
– Poñentes: D. Xoán Ramón Doldan. Economista. Profesor Titular de Economía Aplicada da USC: “ A importancia das enerxías renovábeis no fin da era do petróleo”; D. Celestino Quintela Sabaris. Biologo. Secretario da Federación Ecolóxista Galega. “ A Pegada ecolóxica e as enerxías renovábeis”; D. Xosé García López. Técnico Instalador de queimadores de biomasa e sistemas de aire acondicionado ecolóxicos. Caso Práctico.
II Mesa: A Agroecoloxía: creando sinerxias para unha agricultura sostible.
– Lugar : Recinto feiral
– Data e hora: domingo 2 de Agosto ás 20.00 h.
-Poñentes: D. Ernesto Sánchez Salgado. Dtor Técnico de C.R.A.E.G.A “ Seguridade Alimentaria e Consumo responsable”; D. Manuel García. Mestre Agricultura Ecolóxica. Coordinador da S.Coop. Galegade Labregos Daiqui. “Transxénicos e Soberanía Alimentaria”; D. Edmundo Maseda. Productor ecolóxico. “A utilidade das plantas como tratamentos na Agricultura ecolóxica”.
Exposición: “Áreas Mariñas Protexidas” do Centro de Extensión Universitaria e Divulgación Ambiental de Galicia. CEIDA
Obradoiro de Biodiversidade realizado pola Asociación pola Defensa Ecolóxica de Galiza-ADEGA. Construción de caixas niño para nen@s o sábado día 1 pola tarde, no recinto feiral.
Videoactiv@: Proxeccións continuas, durante as horas de apertura da feira. Diferentes documentais de temática medioambiental, artesanal e ecolóxica
Demostrart: Demostracións e degustacións nos stands da feira e no espacio adicado as actividades por parte d@s expositor@s.
Taboeiro Produart: disporá dun espazo adicado a publicidade de comunicacións, ofertas e demandas ecolóxicas de calqueira Asociación, Organización ou Colectivo interesado.
HORARIO de apertura ó público de Produart 09 venres 31 de xullo de 17.30 h. a 22.00 horas sábado e domingo, 1 e 2 de agosto de 11.30 h. a 14.00 horas e de 17.30h. a 22.00 horas
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
