CERVO .- O Concello de Cervo rexistrará no día de mañá unha alegación contra o trazado proposto polo Goberno central para a autovía entre San Cibrao e Barreiros. O Goberno municipal presentou un trazado alternativo que nace froito das consultas realizadas aos veciños da localidade e diversas asociacións e que ten por obxecto, tal e como se explicou en datas pasadas, evitar os efectos perversos do percorrido actual que partiría en dous a parroquia de San Román. A proposta do Executivo cervense emprazaría a futura autovía entre os límites desta parroquia e a de Rúa, nun área libre de vivendas habitadas.
ALEGACIÓN MUNICIPAL: A SUMA DE TODOS
Segundo o Goberno municipal a proposta incluída na alegación do Concello de Cervo é moito máis favorable que a incluída no estudo do Goberno central e por iso, “esperemos sexa atendida convenientemente por parte do Ministerio de Fomento”. Ademais da alegación xenérica que rexistra o Goberno municipal existen múltiples alegacións de particulares, que veñen a coincidir coa elaborada polo Concello, pois nace do consenso e da análise realizada xunto con estes particulares e os técnicos municipais. Ademais o Goberno municipal elevará para a súa aprobación no pleno a proposta consensuada cos veciños e espera sumar, nese momento, o apoio explícito de todas as forzas políticas “que deben defender e antepoñer, ante calquera outra circunstancia, o interese dos veciños”
CERVO CHAMA A BUSCAR UNHA ALTERNATIVA DE CONSENSO
Por outra banda o Goberno municipal de Cervo explicou que non está de acordo coa alegación rexistrada polo veciño municipio de Burela xa que, coa súa proposta alternativa de trazado, se vería afectado negativamente ademais dos núcleos de poboación que xa o están na actualidade, outro máis, o núcleo coñecido como O Eixo en San Román.
Desde Cervo lamentan que o Concello de Burela non tiña consultado con anterioridade a súa proposta de trazado alternativo, sobre todo tendo en conta que repercutía dun xeito evidente no noso termo municipal. Nesa liña lembra que xa o pasado venres o Alcalde de Cervo, Alfonso Villares contactou co seu homólogo o primeiro edíl de Burela, Alfredo Llano, para indicarlle que non aceptarían este trazado alternativo proposto desde Burela e emprazoulle a reunirse para estudar unha solución distinta.
Desde o Concello de Cervo subliñan que non teñen intención de polemizar respecto desta cuestión e que realizan esta crítica dun xeito construtivo “De feito o trazado que o Concello de Cervo propuxo, resultaría favorable tanto para Cervo, como para Burela e Foz.”. Nesa liña xa adiantaron que o Alfonso Villares ten solicitada unha xuntanza cos rexedores de Burela e Foz para que todos traballemos na mesma dirección, e sexamos capaces de elaborar unha alternativa de consenso.
¿A QUEN DEFENDE O BNG?
Por outra banda desde o Executivo cervense non logran comprender as críticas recibidas polo único concelleiro do BNG local xa que esta formación política sempre viu a remolque do traballo que viña realizando o Goberno municipal. De feito agora reclaman algo que xa anunciou nas pasadas datas o Alcalde, Alfonso Villares, isto é, que o Concello de Cervo asumirá como propias e, polo tanto, reforzará co seu apoio, cada unha das alegacións rexistradas polos particulares.
Os edís do Executivo cervense creen que Juan Antonio Éstua tan só fixo “o paripé” cando se reuniu cos veciños “para non clarexar nada, para non propoñer nada. Probablemente porque non lle interesaba ser claro, e contradicir deste xeito as consignas dadas polo BNG noutros concellos limítrofes”. Polo contra o Goberno municipal defenderá sempre o que sexa o mellor para os veciños, que son o importante, sen aplicar ningún criterio partidista distinto da defensa do interese xeral.” Neste senso subliñan que, a única proposta alternativa para o trazado da futura autovía é a que nace do consenso entre o Concello e os veciños interesados en realizar as alegacións. “Mentres que nos acudimos ás xuntanzas para explicar e asesorar aos veciños xunto cos técnicos municipais, eles –polo BNG- limitáronse a ensinar os planos e falar de hipóteses xenéricas como si foran enxeñeiros ou aparelladores sen título, suplantando polo tanto a función dos técnicos e expertos”
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
