RIBADEO (FNC) .- A concelleira de Cultura, Mariluz Álvarez Lastra, convidou esta mañá a tódolos ribadenses e visitantes a que acudan o vindeiro sábado 25 á VI Festa do Percebe que se celebrará a partir das 12.00 da máñá e durante todo o día no porto de Rinlo.
A edil nacionalista explicou que “dende o Concello de Ribadeo e dende a Asociación de Percebeiras pertencentes á Cofradía de Pescadores de Ribadeo queremos convidar a todos os veciños da nosa vila, como non, aos veciños do pobo de Rinlo e aos nosos visitantes, a que este sábado día 25 a partires das 12 da mañá acudan ao porto de Rinlo para degustar este prato tan típico das nosas costas como é o percebe”.
Mariluz Álvarez afirmou que “o Concello de Ribadeo e tamén as percebeiras esperamos que o éxito de anos anteriores se repita nesta edición. Como a súa denominación indica estamos xa pola sexta festa o cal quere dicir que é un evento gastronómico, cultural e cun valor turístico e posta en valor do pobo de Rinlo importante, que está moi consolidado”.
A responsable de Cultura engadiu que “polo tanto, animamos a todas as persoas que visiten ese día Ribadeo e tamén aos que residen na nosa vila a que acudan ao porto da Rinlo o 25 de xullo a partires das doce da mañá para poder disfrutar deste día, desta comida, dos percebes, e como non tamén, dun día de festa, de relación e de coñecemento do único pobo pesqueiro que ten pervivencia no noso concello e que ten unhas características fundamentais e diferentes dentro do municipio”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
