O alcalde de Burela, Alfredo Llano, a conselleira do Mar, Rosa Quintana, e a delegada territorial da Xunta en Lugo, Raquel Arias, na lonxa de Burela (foto: Xunta)
BURELA (FNC) .- O alcalde de Burela, Alfredo Llano, acompañou á conselleira de Mar, Rosa Quintana, que ás seis desta mañá presenciou na lonxa de Burela unha subasta de bonito. O rexedor burelés explicou que “asistimos e participamos con ela nunha subasta interesantísima de peixe na lonxa de Burela, sobre todo bonito, xa que había unha boa descarga. E puidemos ver como o bonito segue sendo unha especie moi valorada en Burela, séguese pagando ben e hai boas capturas, aspecto que é moi positivo para a nosa xente, os traballadores do mar e para todo o pobo”.
Llano afirmou que “falamos con ela de moitas cuestións, unha delas é a importancia que ten para nós o porto, intentamos que se diversifique para temas comerciais, deportivos e pesqueiros e que teña unha potencialidade cada vez máis grande. Recibiu con bó agrado as solicitudes que se lle fixeron dende a Cofradía e dende a propia a alcaldía”. O alcalde lembróulle á responsable autonómica de Mar “a importancia que ten o acceso ó porto, que hai que tratar de culminar esa obra o antes posible, xa que é algo que vai beneficiar ó conxunto do porto pero tamén ó resto do pobo. Consideramos que canto antes comecen de novo as obras será moito mellor para todos. Creo que anotou todo o que se lle solicitou e que agora está nas suas mans atendelas. É positivo que veñan por aquí visitas deste tipo porque é moi importante para o pobo e agardo que se repitan e que sexan moi fructíferas e moi boas para Burela”.
REFERENCIA DA ÁREA DE PESCA DA CONSELLERÍA DE MAR DA XUNTA DE GALICIA
A Consellería do Mar amplia o seu compromiso coa campaña do bonito
Rosa Quintana aproveitou a visita ás confrarías da Mariña para asistir á poxa de bonito e o Gran Sol na lonxa de Burela
Os prezos no mes de xullo subiron un 34,6% respecto ao mesmo periodo do ano anterior
A Conselleria do Mar recupera a etiquetaxe que garante que o túnido foi capturado de xeito artesanal pola frota galega
A Consellería do Mar amplia o seu compromiso coa campaña do bonito
Santiago, 13 de agosto de 2009.- Na rolda de visitas que a conselleira do Mar, Rosa Quintana, está a levar a cabo por todas as confrarías de Galicia, aproveitou para visitar a lonxa de Burela, principal punto de descarga de bonito de Galicia, onde asistiu á poxa do túnido e a do Gran Sol. A responsable do departamento de Mar estivo acompañada na súa visita polo director xeral de Ordenación dos Recursos Mariños, Pablo Fernández; a directora xeral de Desenvolvemento Pesqueiro, Susana Rodríguez; a delegada provincial de Lugo, Raquel Arias e o xefe territorial de Lugo, Vidal Martínez-Sierra.
A conselleira felicitou aos armadores e produtores por unha campaña que está a ser “moi boa tanto en prezos coma en capturas” xa que se produciu un aumento respecto ao ano pasado. O prezo medio do quilogramo de bonito en xullo do ano pasado estivo en 2,6 euros fronte aos 3,5 euros que acadou este ano. Na xornada de hoxe, o prezo acadou prezos históricos para o mes de agosto superando os 6 euros por quilogramo.
Para potenciar o consumo deste túnido, a Consellería do Mar está a impulsar a campaña Faino Bonito dirixida principalmente á potenciación do produto nos puntos de venda, especialmente, grandes superficies. Tamén recuperou a etiquetaxe verde, paralizada o último ano, e que consiste nunha identificación individual de cada peza de bonito que lle permite aos consumidores distinguir o túnido capturado de xeito artesanal e selectivo pola frota galega. A arte que se emprega é o curricán, un sistema de pesca que non lle afecta ao resto das especies polo que resulta respectuosa co medioambiente.
A campaña, que foi demandada polos produtores e os comercializadores para dar máis rendabilidade á pesquería, ten por obxeto garantir a procedencia de cada exemplar desde a súa captura ata a chegada ao consumidor, de forma que coñeza as propiedades de cada peixe no momento da súa adquisición.
Compromisos confrarías
Rosa Quintana continuou logo atendendo as demandas das confrarías e comprometeuse a estudar a posibilidade de buscar a mellor ubicación para ampliar o porto de San Ciprián, respostando así unha vella reividicación veciñal. A conselleira asegurou que “dende a Consellería do Mar hai vontade de levar este proxecto adiante, e por iso imos buscar a mellor solución, tanto para dar abrigo aos barcos profesionais como para a náutica-deportiva”.
Con respecto ás visitas que efectuou na tarde de onte, a conselleria deu a súa palabra de estudar a viabilidade da instalación dunha minidepuradora para facilitar e mellorar a comercialización dos moluscos nas zonas de Espasante, Cariño e O Barqueiro.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
