BURELA (FNC) .- O pleno de Burela aprobou unha resolución conxunta por unanimidade en defensa do mantemento da área sanitaria da Mariña. A tenente de alcalde, Neves Cando, asegura que “despois do pleno que tivemos onte en Burela no que presentamos unha moción en defensa do mantemento da área sanitaria da Mariña e ante a postura que alí mantiveron os membros do PP e todo o que hoxe puidemos ler na prensa temos que dicir que a confunsión e a incerteza seguen a estar presentes sobre o futuro do noso hospital de Burela”. Cando sinala que “dende que en xullo a Consellería de Sanidade anunciara aquí que se crearía unha única área sanitaria en Lugo, algo que foi corroborado despois pola xerente do Sergas que equiparaba a área sanitaria como unha integración de hospitais… dende daquela e ata onte que presentamos esta moción ningún representante do PP se pronunciara sobre o asunto. E o problema é que onte cando se pronunciaron ainda foi peor porque non aclararon nada de nada”.
A edil nacionalista segue a relatar que “onte o Sr.Balseiro en Viveiro, curiosamente non veu a Burela a falar do hospital, o Sr.Balseiro ese gran defensor dos dereitos sanitarios da Mariña que agora nada di sobre que autopsias desde xuño se están a facer en Lugo… pois o Sr.Balseiro dicía que a área sanitaria seguirá a chamarse igual xa que a cuestión non é a demarcación xeográfica. Afirmación que a todas luces non di nada de nada, como mesmo recoñecían os seus compañeiros de partido onte no pleno de Burela. E ese é o problema, que o PP non di nada sobre este tema e isto crea preocupación entre os veciños de Burela e entre os propios traballadores do hospital. E non hai máis que ver hoxe a prensa para coñecer a opinión que teñen os sindicatos médicos que cualifican de tremendamente perxudicial para a Mariña a supresión da área sanitaria da costa e denuncian tamén os médicos a falla de información da Consellería de Sanidade sobre isto e a súa política de salón, sen saber da realidade hospitalaria da costa”.
Neves Cando lembra que “a asociación de veciños O Vencello de Burela tamén amosa o seu malestar tanto por parte do pobo de Burela como por parte dos traballadores do hospital por esta falla de información e remata cunha afirmación moi significativa como non hai información concreta o pobo pensa no peor. E despois das declaracións de onte do Sr.Balseiro hoxe ainda estamos máis preocupados porque, segundo aparece tamén na prensa, os responsables de Sanidade aseguran que a creación da área sanitaria única está ainda en fase de inicio, ousexa que algo hai e os responsables do PP en Burela e na Mariña estánnolo a ocultar”.
A tenente de alcalde suliña que “o PP de Burela presentou onte in extremis, ao comenzo mesmo do pleno, unha enmenda á nosa moción onde eles tamén solicitaban o mantemento da área sanitaria da Mariña e a ampliación do catálogo de servizos do hospital da Costa. Ata onte nada dixo o PP de Burela, ata onte non soubo que dicir, porque como vimos denunciando desde hai moito tempo o PP de Burela está asentado en Lugo co seu portavoz á cabeza e non coñecía nin lle preocupaba todo o malestar que con este tema se esta xerando non só neste concello senón tamén dentro do hospital e entre os seus traballadores, na asociación de veciños e no pobo de Burela en xeral. E ante a nosa moción tiveron que reaccionar e apuntarse á defensa da área sanitaria da Mariña e dos servizos do hospital da Costa”.
Cando manifesta que “á vista da postura mantida onte polo Sr.Balseiro en nome do PP de Galicia e despois das manifestacións dos propios responsables de Sanidade só nos quedan tres alternativas á postura que mantivo o PP de Burela no pleno. A primeira, ou non se enteran do que queren facer os seus compañeiros de partido de arriba co hospital da Costa; segundo, o seu partido os está enganando sobre as súas intencións; ou terceiro, o PP de Burela está enganando aos veciños deste pobo”.
Hai “confusión e incerteza” sobre o futuro do hospital de Burela, asegura Neves Cando
Relacionado
-
Medio Rural reafirma a súa aposta pola conservación e impulso das razas autóctonas na Feira de Gando de Augaxosa en Riotorto
-
O BNG denuncia que o Centro de Saúde do Valadouro volve quedar cun só médico tras dous anos de recortes
-
O CFEA Pedro Murias de Ribadeo arrinca o curso cun novo ciclo superior e récord de estudantes
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
