BARREIROS (FNC) .- O alcalde de Barreiros, Alfonso Fuente, amósase sorprendido tralas declaracións efectuadas nas últimas horas polo voceiro do BNG no Concello sobre as vivendas de amparo municipal.
O rexedor explicou que “me sorprenden as súas palabras porque durante catro anos o BNG levou a Consellería de Vivenda para xestionar estes temas e no noso concello entregáronse 21 vivendas, que as iniciou o anterior goberno do PP, e ainda as entregaron finalizando a lexislatura. E agora por unha xestión que fai o Concello, que pon outras 14 vivendas a disposición dos veciños e que xa anunciamos que imos poñer máis noutras parroquias, parece que non lle gusta e que non está de acordo con que a xente nova, con que os veciños de Barreiros poidan acceder a unha vivenda digna e a un precio tamén digno e reducido”.
Fuente Parga engadiu que “si dixéramos que tiñan feito xestións e non unha macroobra coma a que plantexaron en Barreiros desde Vivenda que non lle gustaba a ninguén, nin siquera ós propietarios dos terreos, e habería que esperar catro ou cinco anos para ter esas vivendas. Entón o Concello o que fai agora son unhas xestións para que en xaneiro ou febreiro todos os rapaces que adquiran eses pisos poidan disfrutar xa deles, sin ter que esperar catro ou cinco anos a que se constrúan, que se expropien os terreos e demáis”.
O alcalde asegurou que “está a ter moi boa acollida esta iniciativa. Foi unha boa opción, imos seguir metendo vivendas e uns días despois de facelo o Concello de Barreiros a Xunta acaba de anunciar que fará o mesmo adquirindo vivendas que estean vacías para incentivar o mercado da construcción e poñer a disposición da xente que precisa as vivendas dándolles unha subvención”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
