ALFOZ .- Alfoz e Valadouro contará cun polígono ubicado en ambos concellos; segundo explica o alcalde de Alfoz, Emilio Lousas “se non fora por unha decisión do actual Goberno, co BNG e PSOE, o novo polígono estaría fora do noso concello”. O anterior proxecto de construción deste parque “só estaría dentro do termo municipal de Valadouro”
NOTA DE PRENSA
O novo Goberno rectificou a decisión pola que o anterior Executivo bipartito modificaba o proxecto de construción deste parque de tal xeito que tan só estaría dentro do termo municipal de Valadouro
A XUNTA ACHEGA 4 MILLÓNS DE EUROS PARA O POLÍGONO DE ALFOZ- O VALADOURO DESPOIS DE QUE O BIPARTITO QUIXERA PRIVAR DESTA INFRAESTRUTURA A ESTE PRIMEIRO CONCELLO
* O Alcalde Emilio Lousas subliña que se non fora por unha decisión do actual Goberno, co BNG e PSOE, o novo polígono estaría fora do noso concello.
* Xestur Lugo está a elaborar os traballos técnicos previos aos inicios das obras desenvolvemento o necesario plan especial e a adecuación da normativa urbanística
Alfoz, 25 de novembro de 2009.- Os orzamentos da Xunta de Galicia contemplan unha partida específica pola que nos dous próximos anos achegaranse preto de catro millóns de euros para a posta en marcha do polígono de Alfoz e O Valadouro. Así o explicou o Alcalde deste primeiro concello, o popular Emilio Lousas, quen tamén felicitouse por que o novo Goberno de Galicia rectificase a “inaceptable e inxusta” decisión adoptada polo anterior Executivo bipartito que tan só pretendía situar esta nova infraestrutura no termo municipal do Valadouro.
OBRA VITAL PARA OS DOUS CONCELLOS
A construcción do parque empresarial é, segundo explicou o Alcalde, a obra máis importante para o crecemento económico destes dous concellos e non só favorecerá dun xeito directo a creación de riqueza en ambos municipios senón que ademais favorecerá a implantación de empresas foráneas e á xeración de novos postos de traballo.
CONSIGNACIÓN ORZAMENTARIA PARA XESTUR LUGO
Segundo as consignacións incluídas nas contas que deseñou o Goberno de Alberto Núñez Feijóo, a empresa pública Xestur Lugo disporá dun total de 3.951.471,75 euros nos dous próximos anos para levar adiante este proxectos, aos que hai que engadir 700.250 máis para a compra de solo industrial
XESTUR LUGO TRABALLA
Emilio Lousas subliña que se non fora por unha decisión do actual Goberno, cos socialistas e nacionalistas, o novo polígono estaría fora do noso concello. Ademais segundo puido saber desde Xestur Lugo se están a elaborar os traballos técnicos previos aos inicios das obras en Alfoz, fundamentalmente as modificacións administrativas oportunas, a través do deseño dun plan especial, para axeitalo á situación urbanística municipal.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
