RIBADEO (FNC) .- O alcalde de Ribadeo, Fernando Suárez, considera que o estado de moitos edificios abandonados do casco vello mellorou, pero recoñece que as medidas postas en marcha desde o Concello non chegan. Ademáis anuncia que se vai intensificar a vixianza para que os propietarios se involucren no coidado destes inmobles que moitas veces poden supoñer un risco para os viandantes.
Suárez Barcia sinala que “levamos máis dun ano actuando e iniciando unha serie de expedentes sobre diferentes inmobles do casco vello que estaban nunha situación lamentable. Todos eles a proposta dos servizos técnicos do Concello, nalgún fixemos algunha intervención subsidiaria e noutros impuxemos algunha sanción, sempre a criterio dos técnicos municipais”.
O rexedor asegura que esto xa empezou a dar os seus froitos, “hai edificios, como a aduana vella, que están en trámite de serlles outorgada a licenza de obra para proceder á súa reparación, e hai outros que están na redacción dos proxectos e todo promete que se van ver restaurados dentro de pouco tempo. Abrimos aproximadamente unha veintena de expedentes para todo o casco vello, a toda esta xente se lle ofreceu colaboración municipal, tramitación de axudas económicas importantes, incluso moitos deles poden beneficiarse de que a redacción dos seus proxectos poida vir dada polo propio Concello, pero todo esto sendo bó é evidente, a xulgar polos últimos acontecementos, que non chega”. Fernando Suárez manifesta que “neste último caso, o da pasada fin de semana, os propietarios dese edificio do que caeu unha parte xa estaban advertidos desde hai meses do perigo polo propio Concello”.
Dereitos e obrigas
O alcalde anuncia que “agora imos intensificar a vixianza de todos estes expedentes, imos ir polo muido e imos facer que os propietarios se involucren polas boas ou polas malas, porque despois si pasa algo a cidadanía vaille esixir responsabilidade ao Concello. Nós non podemos nin debemos mirar para outro lado, temos que dialogar con todo o mundo, pero con quen non quere dialogar, con quen nos devolve as notificacións, con quen se nos escuda dicindo que hai máis propietarios ou que non se levan ben entre eles ou que queren facelo pero que non poden, pois miren o que teña propiedades ten dereitos pero tamén ten obriga. E senón están en condicións de darlle unha seguridade, un ornato ou unha salubridade públicas o que deben facer é vender ese inmoble ou cedelo a unha administración pública ou ao Concello que seguramente poidamos facer algo con todos eles”.
Fernando Suárez suliña que “todos estes expedentes van chegar a unha conclusión vía multa coercitiva ou execución subsidiaria si a seguridade pública así o require”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
