NOTA DE PRENSA
José Manuel Balseiro advirte de que ese novo sistema podería dar como resultado o peche dun importante número de instalacións bateeiras en Galicia
O GRUPO POPULAR PRESENTA UNHA INICIATIVA CONTRA A PRETENSIÓN DA COMISIÓN EUROPEA DE CAMBIAR O MODELO DE ANÁLISE DAS BIOTOXINAS PRESENTES NOS MOLUSCOS BIVALVOS
* O deputado salienta que o Goberno de Núñez Feijóo “está a desenvolver múltiples xestións para corrixir esta situación” e considera imprescindible que os representantes do Estado español na Unión Euuropea “adoiten como propios os postulados expostos pola Xunta de Galicia” para “liderar a defensa dos intereses de Galicia”.
* Balseiro lembra que as consellerías de Mar e de Sanidade dispoñen dun informe científico “que avala a idoneidade dos métodos analíticos actuais e censuran por improcedente o cambio proposto pola Comisión Europea”, que afectaría “negativa e irreversiblemente” á produción mitícola e marisqueira galega sen achegar “ningunha mellora na seguridade alimentaria pública”.
Santiago, 13 de novembro de 2009.- O Grupo Parlamentario Popular de Galicia ven de rexistrar na Cámara unha iniciativa dirixida a que a Xunta reclame ao Goberno central que emita as instruccións oportunas ante a Axencia Española de Seguridade Alimentaria e Nutrición (AESAN) para que vote de xeito negativo á proposta da Comisión Europea pola que se pretende o cambio no modelo de análise das biotoxinas presentes nos moluscos bivalvos. O portavoz de Mar do Grupo Popular, José Manuel Balseiro, advertiu hoxe en rolda de prensa de que ese novo sistema podería dar como resultado o peche dun importante número de instalacións bateeiras en Galicia. A proposición non de lei presentada por Balseiro reclama tamén que o Goberno central desenvolva todas as xestións que estime oportunas ante a Unión Europea na defensa da continuidade dos actuais límites de control dos índices de toxicidade para a comercialización dos produtos do mar.
O deputado lembrou que, coas análises actuais, “moitos polígonos bateeiros permañecen pechados durante 200 ou 300 días ao ano, en campañas especialmente intensas de marea vermella”, pero, de levarse adiante a súa substitución polas medidas moito máis restrictivas que propón a UE, “os peches poderían prolongarse ininterrompidamente nalgunhas rías durante todo o ano” e mesmo as bateas afectadas deixarían de ser rendibles, polo que “moitas delas estarían abocadas á desaparición”.
Balseiro salientou que o Goberno de Núñez Feijóo “está a desenvolver múltiples xestións para corrixir esta situación” e considera imprescindible que os representantes do Estado español na Unión Euuropea “adoiten como propios os postulados expostos pola Xunta de Galicia” para “liderar a defensa dos intereses de Galicia”. A conselleira do Mar, explicou, “mantivo un encontro co Comisario Europeo de Pesca e Asuntos Marítimos en Bruxelas e deulle conta das excelentes técnicas de depuración existentes en Galicia”, técnicas que, resaltou, garanten que o produto marisqueiro galego “chegue ao consumidor en perfectas condicións, sen ningún risco para a saúde”.
INFORME CIENTÍFICO
Nese sentido, Balseiro lembrou que as consellerías de Mar e de Sanidade dispoñen dun informe científico “que avala a idoneidade dos métodos analíticos actuais e censuran por improcedente o cambio proposto pola Comisión Europea”, que afectaría “negativa e irreversiblemente” á produción mitícola e marisqueira galega sen achegar “ningunha mellora na seguridade alimentaria pública”. Así, na proposición non de lei ínstase tamén a dar traslado con carácter de urxencia ao resto dos estados membros do Comité Permanente da Cadea Alimentaria e de Sanidade Animal (CFCAH) do dito informe científico, “que avala a continuidade do modelo actual que se ten demostrado altamente eficaz para a protección da saúde pública”.
O deputado enmarcou esta iniciativa no compromiso do Partido Popular coas xentes do mar e remarcou que o peche das bateas que se derivaría da modificación do sistema “non só prexudicaría aos mexilloeiros galegos”, senón “a toda a industria auxiliar, aos milleiros de postos de traballo que de xeito indirecto xeran”, tales como os da industria da madeira, a da transformación, cocedeiros, conserveiros e restauración, entre outros. Cómpre, polo tanto, “efectuar a presión precisa para poñer freo inmediato ás presas da UE para cambiar un método válido por outro que a día de hoxe non o é”, indicou Balseiro, quen considerou que “se Zapatero está impaciente por presidir a Unión Europea, tamén o estará por garantir que en Europa non se adopten decisións contrarias ao seu país”.
Así mesmo, o portavoz de Mar do Grupo Popular salientou o “compromiso de transparencia e información co sector” que está a desenvolver a Consellería do Mar mediante os contactos mantidos en diversas ocasións con representantes das organizacións do sector, de xeito que “todos eles están informados dos pasos que ten previsto dar a Xunta de Galicia”. Unha actitude que o deputado subliñou que “nada ten que ver co alarmismo do que nos acusou no seu día a deputada socialista Marisol Soneira”, á que pediu que explicara “por qué non actuaron antes se coñecían a pretensión da UE”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
