BARREIROS (FNC) .- O alcalde de Barreiros dille ó portavoz do BNG no Concello que cando se toman decisións hai que pensar nas consecuencias que poden ter. Alfonso Fuente non entende que Antonio Veiga aplaudise no seu día as denuncias plantexadas contra o alcalde e que agora se lamente dos gastos que eso lle vai ocasionar ó Concello.
O rexedor sinalou que “cando non se atende despois non se entende e entón o señor do Bloque di porqué non se reclamaron as costas deses xuizos. Non se reclamou porque xudicialmente non se poden reclamar costas cando non se celebra o xuizo, e en ningún dos dous procesos chegou a celebrarse o xuizo”. A Alfonso Fuente parécelle “curioso que o concelleiro do BNG, Antonio Veiga, no seu día aplaudise estas decisións de denunciar ó alcalde para ver si así sacaba rendimento político. Como eso non ocorreu agora preocúpalle o coste económico que eso ten para o Concello, e eso hai que pensalo antes e evidentemente estes gastos son por representar e asistir ó alcalde nunhas denuncias tras as que non houbo xuizo porque a fiscalía entendeu que non había motivo para elo. Estes son os gastos xenerados, e evidentemente si fosen gastos contra a miña persoa coma cidadán os abonaría eu, pero como son xerados pola miña condición de alcalde se solicita que o Concello os abone, pero esto é algo normal que se fai en calquera Concello”.
Fuente Parga engade que “desde o Bloque se intenta confundir á xente dicindo que como hai tantos procesos en Barreiros e que si van contra o alcalde costarán moitos cartos. Eses procesos son contra as construccións e evidentemente lle van costar moitísimo ó Concello, pero tamén hai que aclarar quen provocou todo esto, quen indicou que había que paralizar todo, que había que demandar todo. Todos saben quenes apuntaron o dedo e o dirixiron dicindo hacia onde había que ir e denunciar. E agora este señor laméntase do que lle costan ó Concello estes procesos, pois é tarde agora lamentarse”.
O alcalde considera que “cando se toma unha decisión hai que pensar nas consecuencias e moitas veces este señor nin o pensa e longo pasan estas cousas. Eu lle pediría que antes de decir todos estes temas de que se reclamen as costas á parte denunciante que se informe porque esto non pode ser así. Si hai un xuizo sí se pode pedir que se condene en costas á parte que perde o xuizo, pero aquí non houbo xuizo e polo tanto hai que pagar os gastos do procurador e do abogado que representan á persoa e que estudian o caso e piden o archivo que foi aceptado neste caso polo fiscal. E esto é o que hai”.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
