NOTA DE PRENSA
Ante as acusacións infundadas feitas pola oposición ribadense acerca da suposta privatización dos servizos sociais no Concello de Ribadeo, o BNG quere facer constar o seguinte:
1. O BNG sempre apostará por uns servizos sociais de calidade e con carácter público. Así o ten demostrado ao longo dos anos do goberno bipartito creando un sistema público e galego de benestar que agora outros pretenden desmantelar.
2. Desde que o BNG ostenta a alcaldía de Ribadeo, duplicouse o número de persoas contratadas polo Concello para prestar a axuda a domicilio.
3. Cando o BNG asume responsabilidades de goberno xestiona, en base a un ideario político, o día a día. Se a Xunta comunica tardiamente a cantidade a investir en atención a dependentes para o ano 2009, véndose o Concello obrigado a axilizar ao máximo os trámites, non queda máis remedio que buscar solucións inmediatas. Circunstancialmente, e de xeito excepcional, óptase por acudir a unha empresa externa, previo estudo de tres ofertas. Se resulta que a mellor das mesmas é, ademais, de Ribadeo, mellor que mellor. O que si está claro é que se se seguiran os trámites habituais, exposición pública, concurso-oposición, etc., situariámonos xa no ano seguinte, fóra de prazo.
4. Ante esta situación, ben nova, por certo, a oposición pide explicacións. Nada que obxectar. O traballo dos catro concelleiros que día a día sacan adiante o Concello de Ribadeo non ten nada que temer: é transparente. Non parece seguirse o mesmo da actitude da oposición. Por exemplo: como é posíbel que un partido, o PP, sustente a acción de goberno na Xunta, e en Ribadeo actúe como se non fora nada con eles a cousa? A situación de urxencia ante a que hai que reaccionar inmediatamente ven dada pola escasa operatividade dos actuais xestores da Xunta. E desde Ribadeo, o PP quéixase do que fai o BNG no Concello. Acaso non tería nada que dicir da nula eficiencia dos seus compañeiros do Consorcio ou da Consellaría de Traballo? Acaso están máis preocupados por como desmantelar o feito polo BNG que en xestionar ben o que teñen entre mans?
5. Queda a amarga sensación de que uns e outros, desde Santiago, desde Ribadeo, as xentes do PP andan a marear a perdiz para facer oposición ao goberno do BNG no Concello de Ribadeo. E iso sería moi grave: usar as institucións para utilizalas contra outra forza política. Ben farían os populares ribadenses en aclarar a situación.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
