NOTA DE PRENSA:
Os populares rexistraron unha emenda á iniciativa plenaria do BNG, a través da que pretenden reflectir formalmente o compromiso adiantado polo Conselleiro de Medio Ambiente, Infraestruturas e Territorio: O 67% da vía de altas prestacións (VAP) Costa Norte estará en servizo en 2013
O PPdeG PROPONDRÁ, POR PRIMEIRA VEZ NA HISTORIA, ESTABLECER UN CRONOGRAMA ESPECÍFICO PARA IMPULSAR A POSTA EN SERVIZO DO CORREDOR
* A Mariña e Ortegal perderon catro anos pola incompetencia do bipartito que paralizou a tramitación administrativa de moitos dos seus treitos e foi incapaz de iniciar un só quilómetro en obras na nosa provincia
* Os populares demanda a Fomento que licite as obras entre San Ciprián e Barreiros no ano 2011 para a súa posta en servizo no ano 2015.
A Mariña, 8 de decembro de 2009.- Por primeira vez na historia, o Parlamento de Galicia poderá acordar un cronograma específico para o impulso e posta en servizo do Corredor da Costa. Os populares rexistraron unha emenda á iniciativa do BNG, que será obxecto de debate na sesión plenaria da Cámara galega que comeza no día de mañá, a través da que pretenden reflectir formalmente o compromiso adiantado polo Conselleiro de Medio Ambiente, Infraestruturas e Territorio: O 67% da vía de altas prestacións (VAP) Costa Norte estará en servizo en 2013
Os populares afirman que A Mariña e Ortegal perderon catro anos pola incompetencia do bipartito que paralizou a tramitación administrativa de moitos dos seus treitos e foi incapaz de iniciar un só quilómetro en obras na nosa provincia. De feito lembraron que, no momento de traspaso de poderes (abril de 2009), o Goberno formado por PSOE e BNG tan só levaba certificado 1,5 millóns de euros dos 16,9 consignados dende o ano 2006 para a VAP do Norte, é dicir, o 9% dos orzamentos totais, o que vén a demostrar que nese tempo practicamente non se avanzou na tramitación desta infraestrutura.
A proposta dos populares pasa por asumir a posta en servizo do corredor, no treito Celeiro-San Ciprián (adxudicado o pasado verán polo Executivo de Feijóo) no ano 2012. Un ano antes o fará o treito da Variante de Ortigueira. No tocante ao tramo entre Viveiro Sur e Celeiro o cronograma sitúa a súa posta en servizo no 2014 e, finalmente, os tramos máis complexos Covas-Viveiro Sur e Os Ramos-Covas serán unha realidade en 2015 e antes do 2017 respectivamente.
RESPONSABILIDADE DO BIPARTITO
Os populares da Mariña lamentan que o Bloque Nacionalista Galego e o PSdeG non tiveran asumido un compromiso para a axilización desta vía durante a súa época de Goberno na Xunta: Unha vez máis ten que ser o PP que corrixa esta situación e asuma compromiso realistas con prazos e recursos concretos. Os populares lembran que as forzas do bipartito non foron quen de impulsar esta infraestrutura a pesar de que tiñan unha situación económica moito máis propicia e prevían un orzamento que non executaron.
“Os que agora se presentan como salvadores da patria, impulsores das comunicacións na zona norte de Lugo, son os principais responsables de que o corredor non exista máis que nos mapas”-sentenzan desde o PP. De feito, queren lembrar que o propio Alcalde de Viveiro, o socialista Melchor Roel, recoñeceu sentirse enganado polo Goberno bipartito e que o BNG, que agora tanto reclama, actuou como mamporrero do Goberno central -permitindo que ano tras ano o Executivo de Zapatero non investira ningunha das cantidades comprometidas- e como cómplice da xestión da exconselleira Caride –que prácticamente mantivo suspendida ou paralizada gran parte dos proxectos construtivos do corredor-
TREITO ESTATAL: EN SERVIZO NO 2015
Os populares non se esquecen de reclamar un compromiso similar ao Goberno de Zapatero, que ten a competencia sobre a construción do treito que discorre entre San Ciprián e Barreiros. A través da súa emenda pedirán a Fomento que licite as obras entre no ano 2011, para a súa posta en servizo no ano 2015. A mínima consignación orzamentaria para esta vía, de tan só 10.000 euros procedentes dos orzamentos do Estado condena a esta infraestrutura a un futuro de grande incerteza. “Pero curiosamente desto non fala o PSOE”
Está claro que si alguén nos ten esquecido á Mariña é o Goberno de Zapatero: exemplos deste esquecementos son tanto o corredor como outras a falta de dotación de efectivos da Garda Civil do Mar.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
