LUGO .- O presidente da deputación,José Ramón Gómez Besteiro , mantivo un encontro co director Cámara de Comercio Hispano Xaponesa co fin de favorece a apertura de mercados para Lugo
Nota de Prensa
Gómez Besteiro favorece a apertura de novos mercados para Lugo coa Cámara de Comercio Hispano Xaponesa
– O Presidente da Deputación mantivo un encontro co Director desta entidade aproveitando a visita oficial que está a realizar pola provincia
– Martínez Massa amosou o seu interese polas campañas de promoción turística e de productos autóctonos do organismo provincial como Km0 e Lugo Sabe
O Presidente da Deputación, José Ramón Gómez Besteiro, mantivo un encontro este xoves co Director da Cámara de Comercio Hispano Xaponesa, Miguel Ángel Martínez Massa quen está a realizar unha vista oficial pola provincia coa intención de coñecer novos mercados.
Neste senso, Martínez Massa expúsolle ao titular provincial o interese da entidade que representa por dar a coñecer Lugo aos seus afiliados, a todos os cidadáns xaponeses residentes en España, e os diferentes países donde teñen representación diplomática.
Pola súa banda, Gómez Besteiro explicoulle as liñas xerais dos programas que a Deputacion está a levar a cabo para a promoción do turismo, e dos produtos autóctonos lucenses, e que están a fomentar o desenvolvemento da provincia como son Lugo Sabe e Km0. O Director da Cámara de Comercio Hispano Xaponesa amosouse moi interesado nestes proxectos, e plantexou a posibilidade dunha colaboración entre ambas as duas entidades abrindo novos mercados de negocios.
Da mesma forma, o máximo mandatario provincial sinalou que este é ademais un ano de oportunidades económicas por ser Ano Santo. Gómez Besteiro explicoulle a Martínez Massa que a Deputación non quixo perde esta ocasión única para atraer visitantes á provincia pola que transcorren 800 quilómetros de peregrinación. Por iso, o organismo provincial puxo en marcho o pioneiro programa Km0 a Compostela co que se convertíu na primeira administración cunha programación previa e estable ao Xacobeo.
O Director da Cámara de Comercio Hispano Xaponesa sinalou que aos cidadáns xaponeses interésanlles as opcións de ocio e gastronómicas doutros países, e que España segue sendo aínda a gran descoñecida. Ademais, explicou que parte dos beneficios das empresas xaponesas adícanse a pagar aos seus traballadores viaxes por calquera parte do mundo. Neste senso, sinalou que Lugo, tanto polas súa naturela, cultura, historia, ou gastronomía, podería ser un destino moi elexido.
Durante o encontro, Gómez Besteiro fíxolle entrega a Martínez Massa dunha publicación limitada sobre Km0 a Compostela, e dun lote de produtos autóctonos da campaña Lugo Sabe.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
