NOTA DE PRENSA
Así o aclarou o secretario xeral dos populares lucenses Jose Manuel Balseiro á vez que afirmou que as críticas do BNG son froito da “mala conciencia” despois de que os pasados catro anos o anterior Goberno bipartito non fora quen de poñer en marcha un soa medida de estímulo da economía e o emprego
A PRIMEIRA FASE DO IMPULSA LUGO DISPÓN “DE ENTRADA” DUN ORZAMENTO SUPERIOR AOS 12,5 MILLÓNS DE EUROS PARA MEDIDAS DE DISCRIMINACIÓN POSITIVA EN BENEFICIO DAS EMPRESAS LUCENSES
* Ata o deseño final do plan estratéxico e, polo momento, están en vigor unha serie de medidas transitorias que son beneficios especias para as empresas e emprededores lucenses que queiran acceder ás axudas do IGAPE.
* Préstamos a un tipo de xuro reducido, que pode chegar incluso ao 0%, rebaixas no límite mínimo de investimento para recibir axudas, posibilidade de compatibilizar as sudvencións da Xunta con outras axudas procedentes doutras administracións son, entre outras, algunha das medidas de discriminación positiva para Lugo.
Lugo, 22 de xaneiro de 2009.- As medidas transitorias contempladas no programa IMPULSA LUGO –fundamentalmente melloras nas liñas de axudas que na actualidade ten o IGAPE– dispoñen dun orzamento ilimitado e pretenden servir como iniciativas de discriminación positiva en beneficio das empresas da Mariña e, por extensión, do conxunto das empresas e emprendedores lucenses. Así o explicou o secretario xeral dos populares Jose Manuel Balseiro Orol, quen está convencido de que as críticas do BNG a este plan posto en marcha na nosa provincia polos actuais responsables da Xunta, son froito da mala conciencia dos nacionalistas que non foron capaces de promover unha soa medida de estímulo da economía e do emprego cando tiveron responsabilidade de Goberno no anterior Executivo bipartito, e a pesar da aguda crise que estábamos e estamos a sufrir.
Balseiro Orol puntualizou que, pese a que a Xunta está disposta a adicar o orzamento que sexa necesario para cubrir as demandas que formulen as empresas e cumpran os requisitos esixidos, as previsións que fai o IGAPE baseándose na experiencia de anos anteriores, é que os fondos precisos para atender as solicitudes de axuda pode rondar os 12,5 millóns de euros. De calquera xeito, a Xunta admitirá e tramitará todas as solicitudes que se presenten en forma, aínda que superen o orzamento estimado.
A MARIÑA PROTAGONISTA.-
O secretario xeral dos populares lucenses explicou tamén que o IMPULSA LUGO é un proxecto moi ambicioso chamado a equilibrar o desenvolvemento económico da nosa provincia e o tecido industrial lucense con respecto ao resto de Galicia e no que, pola súa importancia e polo seu peso específico a nosa comarca debe ter un protagonismo especial. En todo caso, o papel destacado das empresas da Mariña dentro do dinamismo económico da provincia xa se demostra porque preto da metade das solicitudes de información respecto das axudas incluídas no programa IMPULSA LUGO proceden de empresas da Mariña, como deu a coñecer a propia Delegada Territorial en Lugo, Raquel Arias.
12 MILLÓNS DE EUROS COMO MÍNIMO PARA MEDIDAS TRANSITORIAS.-
O dirixente popular aclarou que o IMPULSA LUGO non é un programa único e determinado, senón un conxunto de medidas de discriminación positiva que poderían dividirse en dúas fases moi diferentes: Unha primeira na que se estaría a deseñar un plan estratéxico, para desenvolver no futuro e durante o que están en vigor unha serie de medidas transitorias, beneficios especias para as empresas e emprendedores lucenses que queiran acceder ás axudas do IGAPE. E, en segundo lugar, o desenvolvemento dese plan estratéxico xa deseñado e pactado, que terá lugar ao longo do presente ano e no que se aplicarán as medidas específicas a prol das nosas empresas e emprendedores.
Como é lóxico na primeira das fases non existe unha partida orzamentaria determinada baixo o epígrafe IMPULSA LUGO, senón que o presuposto dispoñible é o total corresponde ao conxunto de axudas do IGAPE que, para a presente anualidade superará, segundo as previsións que baralla o propio IGAPE, os 12,5 millóns de euros dun total de 345,9 que manexará este instituto no 2010.
Préstamos a un tipo de xuro reducido, que pode chegar incluso ao 0%, rebaixas no límite mínimo de investimento para recibir axudas, posibilidade de compatibilizar as sudvencións da Xunta con outras axudas procedentes doutras administracións son, entre outras, algunha das medidas de discriminación positiva para Lugo
O BNG SOLO NA CRÍTICA.-
Balseiro subliñou finalmente que é unha auténtica mágoa que o BNG teña por estratexia a oposición fronte a toda iniciativa, beneficiosa ou non, que poida impulsar o actual Goberno galego. E nesta liña adiantou que os nacionalistas para non variar se quedan solos nas críticas ao IMPULSA LUGO, de feito, este programa promovido por Feijoo nace co respaldo do conxunto dos axentes sociais, sindicais e patronais da nosa provincia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
