LUGO .- Un total de 31 asociacións de mulleres da provincia de Lugo recibiron no ano que ven de rematar 116.368 euros para realizar actividades.
Nota de Prensa
UNHA TRINTENA DE ASOCIACIÓNS DE MULLERES DE LUGO RECIBIRON SUBVENCIÓNS DA XUNTA PARA REALIZAR ACTIVIDADES DURANTE O 2009
* A contía das axudas distribuídas na provincia pola Secretaría Xeral de Igualdade para este fin ascendeu a 116.368 euros
Lugo, 7 de xaneiro de 2010.- Un total de 31 asociacións de mulleres da provincia de Lugo recibiron no ano que ven de rematar unha subvención da Xunta de Galicia para a realización de actividades formativas e para o fomento do asociacionismo.
A contía das axudas ascende a 116.368 euros, destinados na súa maioría á realización de cursos recollidos no catálogo de actividades formativas do Servizo Galego de Saúde. Así, un total de 84.270 euros sufragaron doce cursos, para outros tantos colectivos, nas especialidades de atención á infancia, informática, atención a persoas dependentes, creación e xestión de microempresas, e acompañante no apoio á mobilidade persoal.
As entidades promotoras dos cursos, de entre 100 e 300 horas de duración, foron a Asociación de Mulleres Empresarias de Lugo, a Fundación do Secretariado Xitano de Galicia, UXT, a Asociación de Mulleres Autónomas Concepción Arenal, ou Fademur Galicia, ou Asfem Lugo, entre outras.
A Consellería de Presidencia, Administracións Públicas e Xustiza, de quen depende na actualidade o Servizo Galego de Igualdade, está tramitando os pagos das subvencións, toda vez que os beneficiarios enviaron a documentación xustificativa dos gastos.
Por outra banda, 14 asociacións recibiron subvencións -por importe medio de 1.700 euros- para compensar os gastos correntes ou de persoal producidos polo desenvolvemento de programas destinados á promoción e á formación de mulleres. Por último, a Xunta concedeu axudas a outras cinco asociacións para contribuír aos gastos de mantemento e funcionamento.
O obxectivo destes programas é promover a igualdade entre homes e mulleres, así como a participación destas en todos os eidos da vida política, económica, cultural e social. Deste xeito, subvenciónanse actividades de sensibilización en materia de prevención e tratamento da violencia de xénero, actuacións educativas, de carácter lúdico ou recreativo, deportivas, e tamén relacionadas coa saúde, as oportunidades no emprego ou os dereitos das mulleres.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
