RIBADEO (FNC) .- O alcalde de Ribadeo, Fernando Suárez, cualifica de irresponsable á Xunta por non ter convocado xa as prazas dos Grumir que traballarán este ano nos concellos. O rexedor advirte unha vez máis que os contratos en vigor rematan este venres e os seguintes non serán unha realidade ata ben entrado o mes de marzo, si os prazos se axilizan ao máximo.
Suárez Barcia sinala que “estamos nunha situación preocupante e moi grave moitos concellos que temos aos Grumir como unha das poucas ferramentas de seguridade cidadá. Este venres rematan os contratos subvencionados pola Xunta desde hai moitos anos e esto non ten visos de continuidade de maneira inmediata. Ao non existir un parque comarcal de bombeiros en funcionamento e ao non ter garantido a continuidade deste grupo municipal de intervención rápida, a min como alcade de Ribadeo e no nome de todos os veciños deste concello de máis 10.000 habitantes paréceme unha grave irresponsabilidade por parte da Xunta o feito de que deixasen correr o tempo e que agora nos atopemos nesta situación”.
O rexedor asegura que “ata este ano todos os contratos eran por nove meses e sempre saía unha convocatoria do ano seguinte cando ainda non remataran os contratos laborais para ir axilizando os trámites administrativos. Este ano prodúcese o contrario, rematan o 15 de xaneiro os contratos laborais das 12 persoas que traballan neste servizo en Ribadeo e en principio temos boas palabras da Xunta de que se sacarán novamente, pero con moita sorte e cos prazos axilizados ao máximo ata ben entrado marzo esto non poderá ser unha realidade novamente”.
Fernando Suárez considera que “estaremos nun dos momentos do ano máis perigosos a nivel de nevaradas, de vento, de chuvias… hai que recordar que no 2009 por estas datas tivemos o ciclón Klaus e ben deitamos de forzas coma a do Grumir para axudar a tanta xente, para despexar as vías de comunicación, etc, etc. Paréceme unha irresponsabilidade que un concello coma o de Ribadeo de máis de 10.000 habitantes teña a súa seguridade en mans dun grupo de voluntarios, que por moi voluntariosos que sexan non teñen a obriga de estar dispoñibles as 24 horas do día como sí o están os Grumir, ao marxe de contar tamén coa policía local”.
O alcalde de Ribadeo engade que “a pesares das boas palabras da Xunta das últimas horas a raíz das críticas que fixemos varios alcaldes a realidade é teimuda, o venres esta xente queda sen contrato laboral e correspóndelle esta tarefa de seguridade e de protección civil á Xunta. Paréceme unha falta de previsión importante, que veu derivada primeiramente de reducir de 9 a 6 meses a duración dos contratos, e de non espabilar e non ter convocado estas prazas para que puidésemos ter unha continuidade xusto neste momento do ano máis perigoso en canto a posibles riscos potenciais para a poboación”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
