FOZ .- A Vicepresidenta Segunda da Deputación, Lara Méndez, participou este venres na clausura do XLII Curso de Saúde Ambiental: “o medio ambiente como xerador de actividades capaces de producir emprego, saúde é benestar á poboación” que se desenvolveu estes días en Foz. No acto, no que tamén participaron o Alcalde da localidade, José María Garcia Rivera, a Concelleira de Medio Ambiente, Ana Icera, o Presidente de Sogama, Luis Lamas, e o director da actividade formativa, Francisco Peña, a Deputación repartiu 150 lotes de produtos autóctonos, incluídos na campaña Lugo Sabe coa que o organismo provincial pretende impulsar a economía lucense.
Neste senso, Méndez destacou o compromiso que ten a institución provincial co medio ambiente. “Na Deputación cremos no medio ambiente, pero cremos con maiúsculas, entendéndoo como unha oportunidade económica para Lugo.” A este repecto, aproveitando que a actividade formativa se desenvolveu nun dos Concellos que se van beneficiar da certificación medioambiental das praias, destacou que “estamos inmersos neste proceso co obxectivo de que antes do verán 21 dos nosos areais conten con esta distinción. Deste xeito, garantimos que a nosa Costa sexa de auténtica calidade medioambiental, convertendo á Mariña no referente do turismo no noroeste de España, competindo co Mediterráneo, a área que concentra maior número de praias cunha certificación tan rigorosa coma esta”.
Asimesmo, subliñou outros proxectos cos que o organismo provincial pon en valor o enorme potencial da provincia en materia medioambiental: o programa Lug02, dotado con 5 millóns de euros e cofinanciado nun 70% pola Unión Europea, o programa de visitas institucionais á provincia Km0 e a Axencia Provincial da Enerxía, que abrirá este ano as súas portas no INLUDES.
Programa do curso
O curso desenvolveuse dende o 8 ó 12 de febreiro no Centro de Interpretación da Mariña Lucense, situado no municipio de Foz. Durante os 5 días especialistas e representantes de distintas administracións abordaron o medio ambiente dende distintas ópticas. Precisamente, no día de hoxe o responsable de proxectos europeos da Deputación, José Rodríguez Coello, explicou o compromiso do organismo provincial co desenvolvemento sostible.
Algúns dos aspectos que se abordaron durante a actividade formativa foron 😮 camiño cara un medio ambiente saudable e sostible; a protección e conservación dos espazos naturais protexidos en Galicia, con especial referencia á Mariña; as medidas legais existentes de protección ambiental na Unión Europea; o plan de xestión de calidade medioambiental do Hospital da Costa; os plans de actuacións da Confederación Hidrográfica Miño-Sil e de Augas de Galicia; os códigos de boas prácticas agrarias; ou a contribución da iniciativa empresarial ó desenvolvemento sostible.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
