MONDOÑEDO .- O Centro Comarcal de A Mariña Central (Mondoñedo) acolle durante o mes de febreiro a obra pictórica da artista de Valga Angeles Garrido.
Nos traballos pictóricos de Angeles Garrido atopámonos por unha banda coa necesidade de plasmar o arraigo que ten ó seu entorno físico e tamén emocional; paisaxes das súas queridas brañas, un vello xerro cun ramo de sinxelos toxos amarelos ou o rostro dun home de marcadas faccións, que suxiren unha vida de traballo físico na terra ou no mar.
Así mesmo, noutros cadros temos a posibilidade de penetrar no espazo das súas lembranzas infantís, con escenas vívidas ou ensoñadas coma as noitiñas de rosario ao carón das candeas ou nunha casa escaecida na que a ausencia ten apariencia de muller.
Todos os seus traballos teñen en común que no seu proceso puramente técnico emprega as cores non cos pinceis que suavizarían e matizarían as formas, senón coas espátulas que acentúan as texturas e as densidades que ela precisa ata conquerir aquilo cara onde o seu ánimo e aprendizaxe contido a van levando, sendo esta experimentación a través de cada obra a que dará, sen dúbida, novos froitos en futuros traballos.
Esta exposición poderá visitarse no Centro Comarcal da Mariña Central do 1 ó 27 de febreiro en horario de 10:00 a 14:30 e de 15:00 a 18:00, de luns a venres , e os sábados de 10:00 a 14:00.
Para acadar máis información poden poñerse en contacto co persoal do Centro no 982 889 301 ou a través do correo electrónico; ccmarinacentral@comarcasdegalicia.com
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
