CERVO .- O Concello de Cervo homenaxeará as bisavoas do Concello o Día Internacional da Muller Traballadora, será o domingo, 7 de marzo, no auditorio municipal da Casa da Cultura a partires das seis da tarde.
Nota de Prensa
CERVO FESTEXARÁ O DÍA DA MULLER TRABALLADORA CUN HOMENAXE ÁS BISAVOAS DO CONCELLO
Cervo, 27 de febreiro de 2010.- A concellería da Muller e Asuntos Sociais de Cervo está a preparar a celebración do Día Internacional da Muller Traballadora cunha iniciativa novidosa: unha homenaxe a tódalas bisavoas do termo municipal.
Segundo indicou a concelleira da Muller, Pilar Armada, a iniciativa xurdiu como mostra de recoñecemento ao traballo de tódalas mulleres traballadoras do municipio “e que mellor forma de personificar esa homenaxe que facéndolla a esas mulleres que levan toda a vida traballando polas súas familias” indicou.
Por iso, a concelleira cervense invita a todas as bisavoas do concello a apuntarse nas oficinas da Casa da Cultura de San Ciprián, “para que deste xeito poidamos saber cantas hai e que todas podan recibir un pequeno agasallo na gala de do Día Internacional da Muller Traballadora que celebraremos no auditorio municipal o vindeiro domingo, día 7” indicou. Neste senso adiantou que, no caso de existir algunha bisavoa que non poida acudir ao Auditorio por motivos de saúde, desprazaranse ata o seu domicilio “para facerlle entrega persoalmente do seu agasallo” dixo Armada.
Gala
Esta homenaxe terá lugar no transcurso da gala conmemorativa do Día Internacional da Muller Traballadora que terá lugar o domingo, 7 de marzo, no auditorio municipal da Casa da Cultura a partires das seis da tarde.
A gala consistirá nunha exhibición de Tai-Chi a cargo das amas de Casa da asociación “Alborada”. A actuación, a Coral Polifónica Terra Mar de San Ciprián ofrecerá unha escolma do seu repertorio e a gala rematará coa posta en escena da obra “Quintana de vivos, angurias dos orfos” a cargo do grupo de teatro “O Bordelo” de Cervo.
Os actos -organizados polo Concello de Cervo coa colaboración da Asociación de Amas de Casa “Alborada”, a asociación ”Terra Mar” e o grupo de teatro “O Bordelo”- están abertos a todo o público.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
