NOTA DE PRENSA:
O Concello de Cervo pasou de recibir do organismo provincial 61.413 euros en 2008 aos 42.494 euros outorgados en 2009
O PP DE CERVO CREE QUE A DEPUTACIÓN PRETENDE “AFOGAR” O BENESTAR SOCIAL DO MUNICIPIO MINGUANDO AS AXUDAS AO CONCELLO
* O Ente provincial reduce as axudas por este concepto de mais dun 30%
* Punto de Atención á Infancia e Asistencia no Fogar principais servizos que sofren o recorte de axudas por parte da Deputación
Cervo, 1 de febreiro de 2010.- O Partido Popular de Cervo quere denunciar o recorte de axudas imposto pola Deputación de Lugo ao Concello de Cervo nas áreas relacionadas co Benestar Social.
O pasado xoves, 21 de xaneiro, o boletín oficial da provincia (BOP) recollía a listaxe de subvencións concedidas aos municipios da provincia pola Xunta de Goberno da Deputación en materia de Benestar Social, Igualdade e Xuventude destinadas a gastos correntes, de inversión e de actividades e equipamentos no ano 2009. Segundo a devandita relación, o noso Concello percibirá un total de 42.494,97 euros, un 30,81% menos do que recibiu no ano 2008 (61.413,70 euros) por este mesmo concepto.
Para o Partido Popular de Cervo esta mingua nas axudas da Deputación non ten outro obxecto que tentar “afogar” os servizos destinados á conciliación familiar e laboral e a asistencia aos maiores que posúe o Concello de Cervo. Concretamente, o servizo máis afectado por esta redución é o Punto de Atención Infantil (PAI), o cal pasou de recibir da Deputación 54.282,96 euros no 2008 a 35.421,08 euros en 2009 (un 34,74% menos). Ademais tamén sofren un recorte as axudas provinciais referidas ao servizo de asistencia no fogar e as dirixidas á organización de actividades de ocio.
OBSESIÓN NACIONALISTA
Compre lembrarlles aos responsables do bipartito provincial que se hoxe as familias do municipio de Cervo dispoñen dun servizo das características do PAI -o cal ten por obxecto garantir a atención e coidado dos nenos de 7 meses a 3 anos nos estadios previos a súa incorporación ao colexio e que constitúe un recurso moi positivo para colaborar na difícil tarefa de conciliar a vida laboral e familiar- é grazas a que no ano 2002 o Goberno municipal do Partido Popular o creou como mostra do seu compromiso coa mellora dos servizos públicos municipais. Dende aquela, tanto PSOE coma BNG non teñen parado na súa obsesión de criticalo e torpedealo a través dunha drástico recorte de axudas cando estiveron á fronte da Xunta, e agora fan o mesmo dende a Deputación de Lugo, onde tamén gobernan da man. Aínda así, os populares de Cervo temos a convicción de que o Goberno municipal seguirá a facer os esforzos necesarios para garantir a continuidade do PAI.
Esta redución nas subvencións é aínda máis chamativa se temos en conta que os responsables en concedelas son precisamente os nacionalistas, ao seren eles os que ostentan as responsabilidades de Benestar Social, Igualdade e Xuventude da Deputación. Estes señores retrátanse unha vez máis: Mentres na prensa se lles enche a boca en criticar a labor do grupo e Goberno municipal en materia de Benestar Social e asistencial, nos papeis oficiais amosan a súa verdadeira faciana e deixan ben as claras que o seu compromiso cos maiores, mozos e nenos deste concello tradúcese nun recorte substancial das axudas para eles.
RURAL
Así mesmo, temos que lembrar que esta mingua nas axudas provinciais no eido social vénse a sumar a outros recortes sufridos no Concello de Cervo nesta materia, coma foi o da supresión do servizo de internet no rural. Neste caso os artífices de que os centros sociais das parroquias do municipio se viran privados de conexión a internet foron os responsables socialistas da Deputación. Aínda a pesares de que o Concello mantén aberto de xeito regular estes locais, dende a Deputación argumentouse o corte do servizo con escusas tan peregrinas coma o pouco uso que se facía del e sen dar ningún tipo de opcións alternativas aos seus usuarios habituais.
Por todo isto, dende o Partido Popular de Cervo pensamos que se a estes recortes perpetrados por socialistas e nacionalistas dende a Deputación lle sumamos que todos os municipios, en maior ou menor medida, veñen alertando nos últimos meses de que os ingresos directos que perciben vía impostos están minguando de xeito alarmante, non é esaxerado concluír que o único obxectivo dos actuais responsables provinciais non é outro que o de asoballar a certos municipios coa súa política de axudas clientelistas.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
