LUGO .- A Dirección Xeral de Comercio ofrece aos traballadores do sector a posibilidade de realizar cursos de idiomas de nivel básico de xeito gratuíto nas escolas de idiomas de Lugo, Ribadeo e Viveiro.
Trátase dunha oportunidade para adquirir unha base que servirá aos comerciantes para prestar unha mellor atención aos turistas estranxeiros que visiten a provincia, dende a previsión de que este ano Xacobeo se incremente o número de visitantes procedentes doutros países, sobre todo no verán.
A Dirección Xeral de Comercio, dependente da Consellería de Economía e Industria, estima que estes cursos serán especialmente útiles dado que permiten adaptar o programa formativo para o colectivo específico ao que vai dirixido, facendo fincapé no vocabulario e nas fórmulas de expresión que son máis habituais no sector do comercio.
Na provincia de Lugo impartiranse dous cursos de inglés e un de francés. A Escola Oficial de Idiomas de Lugo acollerá un curso de inglés de nivel básico de 40 horas, os martes e mércores de seis a oito da tarde, e na Escola Oficial de Idiomas de Ribadeo ofrecerase outro curso de inglés, de 30 horas de duración, os martes de cinco a sete. Por último, a Escola Oficial de Idiomas de Viveiro oferta un curso de francés de 40 horas, en horario e días aínda por determinar.
Para a celebración dos cursos é obrigatorio contar cun mínimo de 10 alumnos matriculados. As matrículas poden realizarse mediante fax ou internet, a través da páxina da Xunta de Galicia, onde as persoas interesadas atoparán tamén un modelo normalizado de solicitude para facilitarlles o labor.
Os traballadores do sector que queiran acceder aos cursos poden enviar as inscricións ao enderezo de correo electrónico cei.dxcomercio@xunta.es, ou ben ao número de fax 981.545.541, ata as 12 da noite do vindeiro mércores, día 3 de febreiro.
Os cursos darán comezo este mesmo mes de febreiro. O tope máximo de participantes en cada un deles será de 20, e serán admitidos por rigoroso orde de matriculación.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
