BURELA (FNC) .- O Centro de Formación Ocupacional de Burela acollerá do 5 ao 9 de abril unhas xornadas de orientación laboral para as mulleres desempregadas. Están organizadas pola Delegación de Igualdade e polo programa de inmigración do Concello de Burela. A inscrición para participar está aberta desde hoxe e ata o 31 de marzo.
A concelleira de Igualdade, Neves Cando, manifestou que “teñen como obxectivo deseñar e poñer en práctica o propio itinerario de inserción laboral de cada muller e tomar conciencia da importancia da planificación da busca activa de emprego”. As xornadas estarán enfocadas en catro bloques específicos “o primeiro céntrase na oferta formativa para coñecer as distintas fontes de información e recursos sobre formación, tanto desde internet, desde a prensa, o Servizo Galego de Colocación ou o propio INEM. O segundo bloque versará sobre técnicas e estratexias de busca de emprego, coñecer os distintos tipos de currículos vitae e cómo se elaborar, saber facer unha carta de presentación e saber afrontar unha entrevista de traballo. No terceiro bloque abordaránse as fontes de información sobre emprego e o mercado profesional, identificar as ofertas de emprego do sector público e privado e coñecer os distintos tipos de contrato que existen e saber diferencialos. E o cuarto e último bloque abordaremos o autoemprego e o réxime especial de empregadas do fogar”.
A edil nacionalista suliñou que “as xornadas teñen unha duración de 15 horas e desenvolveránse desde o 5 ao 9 de abril en horario de 10 a 13 horas no Centro de Formación Ocupacional de Burela. Todas as mulleres que queiran inscribirse poden facelo ata o 31 de marzo nas oficinas do Concello”.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
