LOURENZÁ .- A Deputación realiza obras de mellora na estrada 2802 que vai de San Xurxo a Arroxo, en Lourenzá, e na que o organismo provincial investiu 591.152 euros. A vicepresidenta segunda, Lara Méndez, visitou os traballos levados a cabo no vial e que afectaron a un treito de máis de 2 quilómetros
Nota de Prensa
A Deputación realiza obras de mellora na estrada de San Xurxo a Arroxo, en Lourenzá, por valor de 600.000 euros
– A Vicepresidenta Segunda supervisou os traballos levados a cabo no vial e que afectaron a um treito de máis de 2 quilómetros
– O organismo provincial acondicionou ademais a intersección coa estrada municipal existente, que non estaba prevista no proxecto adxudicado polo anterior goberno, a reposición dos accesos ás fincas, a sinalización e o aglomerado
– Lara Méndez subliña que “é una obra importante coa que melloramos a comunicación dos cidadáns, que representa uns custes a maiores, pero coa que contribuímos ó desenvolvemento do municipio”
A Vicepresidenta Segunda da Deputación, Lara Méndez, supervisou este xoves os traballos de mellora que levou a cabo o organismo provincial na estrada 2802 que vai de San Xurxo a Arroxo, en Lourenzá, e na que o organismo provincial investiu 591.152 euros. Os traballos de ampliación e mellora do vial desenvolverónse dende o punto quilométrico 0,000 ó 2,100. Lara Méndez subliñou que “é unha obra moi importante coa que melloramos a comunicación dos cidadáns, que representa uns custes a maiores, pero coas que contribuímos ó desenvolvemento do municipio”.
As obras do vial quedaran desbloqueadas hai uns meses cando o Deputado de Infraestruturas, Manuel Martínez, recibira no seu despacho ó Alcalde deste Concello, Vidal Martinez Sierra. Naquela xuntanza, na que tamén participaron técnicos provinciais e locais, acordárase que a Deputación acondicionaría no lugar de Requeixo –parroquia de San Xurxo- a intersección coa estrada municipal existente, e que non estaba prevista no proxecto inicial.
Asimesmo, o organismo provincial, en resposta á demanda dos veciños da localidade, tamén procedeu á reposición dos accesos ás fincas de particulares, que se ven afectados por estes traballos e que xa percibiron a cantidade económica resultante do proceso legal de expropiación forzosa, coa instalación de tubaxes de formigón.
A Vicepresidenta Segunda puntualizou que “a Deputación está volcada coa Mariña. Estamos a facer un grande esforzo por mellorar a rede viaria desta zona da provincia. En total, estamos investindo máis de 6 millóns de euros en 11 Concellos. Agora todos os veciños deste municipio poderán circular sen ningún tipo de problema por este vial, que ademais queda cunha calidade extraordinaria”.
Estas obras, non contempladas no proxecto inicial, representan un custe adicional para a institución provincial de 185.000 euros. A estrada inclúese dentro do Plan de Obras e Servizos de 2007 e fora adxudicada polo anterior goberno da Deputación. “Este é un proxecto do PP perom como xa é costume, quedou inacabado. Por isso, tivemos que facer a maiores novas obras que teñen un custe a maiores de máis de 30 millóns de pesetas”.
“A seguridade, unha prioridade”
Lara Méndez aproveitou a visita a Lourenzá para supervisar o estado doutras vías provinciais, nas que o organismo provincial estuda a mellora da sinalización para garantir a seguridade dos viandantes. A Deputación contempla por primeira vez un proxecto, dotado de máis de 2 millóns de euros, para sinalizar toda a rede viaria provincial. Neste senso, visitou a estrada que une as localidades de Santo Romé e Santa María Alta, no treito que pasa xunto ó embalse que abastece de auga a Lourenzá.
“Estou sorprendida polas críticas do PP sobre a falta de seguridade. Concretamente, nesta estrada, que estaba proxectada en tres treitos polo anterior goberno, e que a última tivemos que acabar nós, tampouco se contemplaba a súa sinalización. En 24 anos, o Partido Popular nunca se preocupou pola seguridade dos veciños. Nós estamos levando a cabo por primeira vez a sinalización integral das vías, a través da que iremos colocando biondas segundo as prioridades. Ademais, quero lembrar que foi o actual equipo de goberno o que puxo en marcha un seguro que dá cobertura ós sinistros acontecidos nas estradas provinciais”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
