NOTA DE PRENSA
O coordinador comarcal do BNG descualifica ao deputado popular nun medio de comunicación por defender que se deixe traballar á xustiza
BALSEIRO EMPRAZA A ANTÓN VEIGA A DIMITIR POR EMPREGAR O INSULTO ANTE A CARENCIA DE ARGUMENTOS E POR NON RESPECTAR Á XUSTIZA AO PROMOVER XUÍZOS PARALELOS CONTRA O GRUPO DE GOBERNO DE BARREIROS
* “Gústelle ou non escoitalo, o BNG é o instigador do conflito urbanístico de Barreiros, e iso o saben ben todos os veciños”-explica Balseiro
* Por coherencia coa argumentación mantida polo nacionalista, Antón Veiga deberá marcharse do Goberno da Deputación ou requirir o cese dos dous deputados provinciais sobre os que existe unha imputación xudicial, “pero isto non o fai incorrendo en manifesta contradición”
Santiago, 18 de marzo de 2010.- O deputado do Partido Popular de Galicia, Jose Manuel Balseiro Orol entende que, cando un cargo público como é o caso do nacionalista Antón Veiga se ve obrigado a empregar o insulto como os que no día de hoxe dirixe contra a súa persoa a través dun medio de comunicación, demostra tres cousas: que non é digno nin merecedor do cargo que ostenta, que non ten argumentos para defender a súa postura e polo tanto acude á descualificación e finalmente, que posúe grandes doses de ignorancia política na forma de actuar, no xeito de proceder. Todas estas razóns sérvenlle ao deputado popular para concluír que o mellor que podería facer o dirixente nacionalista, “por respecto aos seus veciños” era “marcharse para a súa casa” pois personaxes que “teñen que recorrer ao insulto sobran na política e son propios doutros tempos caducos, rancios e anticuados”
Segundo Basleiro é máis que evidente que Antón Veiga desde o BNG está a intentar que se produza un xuízo paralelo contra o alcalde de Barreiros e a Comisión de Goberno deste concello. O deputado popular censura que antes de que se teña pronunciada a xustiza os nacionalistas requiran explicacións e insiste na idea manifestada no día de onte de que hai que deixar traballar á xustiza e respectar en todo momento a súas actuacións.
BNG: INSTIGADORES DO CONFLITO
“Gústelle ou non escoitalo, o BNG é o instigador do conflito urbanístico de Barreiros, e iso o saben ben todos os veciños”-explica Balseiro. Lembra que o voceiro nacionalista remitiu unha carta á Xunta bipartita emprazándolle a paralizar as construccións que neste concello se estaban a dar e que, polo tanto é un dos promotores da parálise actual. En todo caso e, en relación con este asunto Balseiro emprazo aos nacionalistas a manter un debate público “onde, cando e como queiran” no que poidan explicar “quen é este señor politicamente e cal foi a súa forma de actuar en todo este asunto”
RECLAMA COHERENCIA
Ademais disto Balseiro reclama coherencia a Antón Veiga nos seus argumentos. Lémbralle que segundo transcendeu nos medios de comunicación, hoxe dous dos seus compañeiros do Goberno provincial están sometidos a unha imputación xudicial e, “o coherente sería que este señor ou ben reclamara o cese destes dous compañeiros que aínda non deron as explicacións oportunas sobre esta cuestión, o ben que fora el quen se marchara do Executivo provincial do que forma parte, ainda que con nula presenza e poder de decisión” En todo caso, Balseiro non entra a prexulgar a estas dúas persoas sobre as que podería pesar unha imputación xudicial e das que respecta a súa presunción de inocencia, a diferenza do que está a facer o BNG co grupo de Goberno de Barreiros.
ANTÓN VEIGA MINTE
Finalmente, Balseiro aclara que nas pasadas eleccións municipais non interveu en ningún mitin no tele club de Barreiros, no que anunciara que o conflito urbanístico deste concello se solucionara nun “plis-plas”, unha das moitas manifestacións falsas efectuadas por Antón Veiga nas súas declaracións públicas e unha mostra máis da nula credibilidade do coordinador comarcal nacionalista.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
