Nota de Prensa
Incidencia do POL en Xove
Tras as declaracións do equipo de goberno de Xove asegurando que o Plan do Litoral non terá incidencia ningunha no municipio, o BNG saiu ao paso formulándolle unha sinxela pregunta á opinión pública: “E logo, somos o único concello costeiro que non ten costa?”. “O Plan de Ordenación do Litoral ordena iso, o litoral galego, e no noso concello aféctalle de maneira singular ás parroquias de Xuances, Portocelo, Morás e Lago”, afirmaron.
Marco López, responsábel local da formación nacionalista, cualificou de “compracentes” as manifestacións vertidas desde o executivo municipal e lembroulles que nunca tiveran tanta paciencia cando na Xunta non gobernaba o PP. Actitude contraria á do grupo municipal do BNG, asegurou, que sempre deu preferencia aos intereses dos veciños.
“Non se lle pode tirar importancia a unha lei que prohibe usos residenciais, deixa fóra de ordenación vivendas de máis de cincuenta anos, determina afeccións por riba dos 500 metros de costa sen xustificación ningunha e non atende ao carácter regrado que debe ter a clasificación do solo”, advertiron desde o BNG.
Marco López quixo deixar claro que o Bloque sempre traballa para buscar unha solución aos problemas serios da sociedade xovense e por iso, ante a ausencia de disposición do executivo local, organizaron unha reunión informativa sobre o POL coa intención de minguar a “inseguridade xurídica” na que se atopa a xente. Así e todo, o responsábel local do Bloque manifestou estar disposto a colaborar co goberno municipal no que faga falta e ofreceulles, tamén a eles, o asesoramento dos técnicos do BNG en todo o que for preciso.
O cargo orgánico do BNG aclarou que, loxicamente, o Plan do Litoral non se atopa aprobado definitivamente, tal e como declarou Demetrio Salgueiro, “porque senón xa non teriamos nada que facer”. López asegurou que precisamente agora nos atopamos no período no que aínda se podería modificar a norma. “Nesta fase é cando hai que actuar e informar á veciñanza afectada para facer alegacións” e, deste xeito, “non ter que lamber despois as feridas”, sentenciou.
Segundo a propia Xunta, as alegacións ao Plan de Ordenación do Litoral deberanse presentar antes do vindeiro 3 de maio, dado que a aprobación inicial do POL agárdase para mediados dese mes. Desde o BNG de Xove denunciaron que os prazos son moi curtos e aseguraron non entender tanta présa e escurantismo para aprobar unha norma fundamental para o desenvolvemento xeral do concello, a non ser que a vontade do goberno autonómico sexa a de impedir a introdución de modificacións substantivas.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
