Nota de Prensa
O BNG DE BARREIROS PÍDELLE TRANQUILIDADE AO PP E RECOMÉNDALLE QUE RETIRE DA SÚA ESTRATEXIA ELEITORAL A DEMAGOXIA E A MENTIRA. OS NACIONALISTAS LAMENTAN QUE O PP PROVINCIAL NON FAGA NINGÚN PROPÓSITO DE ENMENDA NIN SEXA CAPAZ DE SOMETER COMO MÍNIMO A UNHA “CORRECCIÓN DE ERROS” A SÚA IRRESPONSABLE ACTUACIÓN EN BARREIROS.
Barreiros, 19 de marzo de 2010. O BNG de Barreiros pídelle tranquilidade ao PP e recoméndalle que retire da súa estratexia electoral a demagoxia e a mentira. Os nacionalista lamentan que o PP provincial non faga ningún propósito de enmenda nin sexa capaz de someter como mínimo a unha “corrección de erros” a súa irresponsable actuación en Barreiros. Desde o BNG tamén lles lembran aos dirixentes populares que o conflito urbanístico iniciouno o PP coa súa errada acción de goberno neste concello.
Despois de oír as declaracións do presidente provincial do PP Xosé Manuel Barreiro, desde o BNG de Barreiros afirman que “se segue sen coñecer o modelo urbanístico do PP, agás que ese modelo sexa o aplicado en Barreiros ao longo destes anos e que tan perxudiciais consecuencias trouxo para o concello, construíndo sen control, sen a esixencia de dotación de servizos, e obviando sistemáticamente os informes xurídicos que dicían que había que rectificar as erradas actuacións urbanísticas para poder conceder as licenzas”.
Desde o BNG agardaban que “as respostas do Sr. Barreiro, unha persoa que no seu día foi o titular da Consellería de Medio Ambiente foran máis coherentes á hora de posicionarse a respecto do urbanismo, pois resulta curioso e contraditorio que Xosé Manuel Barreiro afirmara o 2 de decembro de 2006 en Barreiros que o PP defendía un urbanismo que respondía a criterios de sostibilidade e que habería actuacións que habería que correxir, outras habería que controlar e outras preservar. Parece ser que as únicas actuacións que querían preservar eran as realizadas polo Concello de Barreiros, e desde logo que esas non eran nin son un exemplo de urbanismo sostible”.
Na Asamblea Local do BNG de Barreiros apuntan que “urbanismo sostible, con respecto polo territorio, co xusto reparto de beneficios e cargas, coa esixencia de dotacións e servizos a quen lle corresponde, é o modelo que defende o BNG, para Galiza, para a comarca, e para o concello de Barreiros. Ésta é a única forma de que o concello progrese, e non coa que propoñen o PP e o Sr. Barreiro. Aí ao BNG sóbranlle argumentos, os que lle faltan ao PP, partido que só plantexa solucións en clave electoral e nun contexto de demagoxia, mentira e confusión”.
Os nacionalistas di que “non é o BNG quen fai xuizos paralelos nin busca culpables antes de que fale a xustiza. Non é o BNG o que se alegra de que se abrira un proceso xudicial contra o alcalde e a xunta de goberno. O que fixo o BNG no seu día foi advertir da situación á que se podía ver abocado o concello se se seguía naquela deriva de desoír os informes xurídicos e tamén as advertencias que incluso facían algúns colexios profesionais. Polo tanto Xosé Manuel Balseiro minte cando dí que o BNG instou á paralizacion”.
Desde o BNG de Barreiros manifestan que “a actuación do Concello de Barreiros nestes anos pódese comparar á de aquel condutor imprudente que circula pola autopista en dirección prohibida desoíndo os avisos dos axentes de tráfico, até que se produce o fatal accidente, cuxas consecuencias despois hai que pagar entre todos”.
O BNG de Barreiros considera tamén que “tanto a Barreiro como a Balseiro non lles importa nada o concello de Barreiros, pois para eles é unha finca mais para recadar votos, ainda que para iso teñan que tirar da mentira, como fai sobre todo o Sr. Balseiro que segue no seu papel de hooligan. É triste que este señor sexa o secretario do Parlamento de Galiza. E menos mal que só acude á mesa do parlamento a apretar o botón de votación”.
Os nacionalistas pídenlle “tranquilidade ao PP, polo menos para poñérense de acordos entre eles, pois uns pídenlle celeridade á xustiza, e outros din que hai que respectar os seus tempos. Agora só falta que o PP de Galicia e o Sr. Feijoo refrenden tamén o modelo urbanístico do PP en Barreiros. Entón quedarían perfectamente retratados e desenmascarados diante da sociedade galega”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
