FOZ / O VALADOURO.- A delegada territorial da Xunta de Galicia, Raquel Arias, anunciou que as obras de mellora das estradas LU-162 e LU-152, que afectan aos concellos de Foz e o Valadouro, estarán rematadas no primeiro terzo do 2011. O obxectivo destas actuacións é “incrementar a seguridade dos usuarios das dúas vías de comunicación, á vez que se crea emprego e se mobiliza a actividade económica ligada á construción pública”.
Nota de Prensa
RAQUEL ARIAS ANUNCIA QUE AS OBRAS DE MELLORA NAS ESTRADAS DA MARIÑA LU-152 E LU-162 ESTARÁN LISTAS NO PRIMEIRO TERZO DO 2011
* A delegada territorial, que visitou hoxe o tramo no que se executarán as obras na localidade focense, asegurou que a actuación servirá para rehabilitar o firme e dotar de beirarrúas varios tramos
* A representante do Executivo galego sinalou que estes traballos comezarán durante o verán e suporán un investimento conxunto que ronda os 3,2 millóns de euros
* O obxectivo destas actuacións é “incrementar a seguridade dos usuarios das dúas vías de comunicación, á vez que se crea emprego e se mobiliza a actividade económica ligada á construción pública”, segundo destacou Arias
Foz, 9 de abril de 2010.- A delegada territorial da Xunta de Galicia, Raquel Arias, anunciou hoxe que as obras de mellora das estradas LU-162 e LU-152, que afectan aos concellos de Foz e o Valadouro, estarán rematadas no primeiro terzo do 2011.
A delegada visitou as estradas, sobre as que se prevén actuacións que suman un investimento de 3,2 millóns de euros.
Na LU-162 realizaranse traballos ao longo de toda a vía, que suporán un investimento de 2.118.192 euros. O prazo máximo de execución é de seis meses e comezarán no verán, xa que o tratamento do aglomerado obriga a agardar ao tempo seco.
A delegada valorou a importante mellora dos servizos que implican estas obras, así como as que se acometerán en diversos tramos da antiga estrada LU-152, ás que se destinan 1.023.123 euros.
Arias afirma que ambos investimentos pretenden “incrementar a seguridade dos usuarios das dúas vías de comunicación, á vez que se crea emprego e se mobiliza a actividade económica ligada á construción pública”.
A estrada que comunica Ferreira do Valadouro e Cangas de Foz ten unha lonxitude de 12,4 quilómetros, nos que se mellorará o firme así como as interseccións, para incrementar a súa funcionalidade e a seguridade viaria. Ao mesmo tempo, axustaranse as barreiras metálicas á normativa vixente.
Adecuación das travesías da LU-152
Polo que respecta aos traballos na estrada LU-152, centraranse especialmente nas travesías, ademais de reforzar o firme nalgúns tramos do antigo trazado que agora serven de acceso a vivendas ou fan función de carrís de servizo.
No concello do Valadouro actuarase sobre os primeiros 300 metros da estrada -a travesía que chega ata o campo de fútbol-, construíndo beirarrúas en ambas marxes, a rede de drenaxe para augas pluviais, un sistema de pozos sumidoiros e a rede de iluminación pública.
O concello de Foz verá melloradas as travesías de San Acisclo, Santa Cecilia e San Martiño. Na primeira mellorarase o firme, construiranse beirarrúas e completaranse os traballos coa reposición da rede de abastecemento e a instalación da rede de drenaxe de augas pluviais e a rede de iluminación.
Na zona da ponte vella de San Acisclo, co obxecto de preservar o seu valor histórico e patrimonial, optouse por realizar unha actuación particular, consistente na pavimentación da zona destinada a tráfico rodado con empedrado de formigón envellecido e a destinada a peóns cun lousado de pedra granítica do país.
En Santa Cecilia proxéctase a execución de beirarrúas en ambas marxes ao longo de 300 metros e a construción de dotacións similares as anteriormente descritas no abastecemento, recollida de pluviais e alumbrado.
Por último, en San Martiño levaranse a cabo traballos coas mesmas características, contemplando neste caso a construción de beirarrúas ao longo de 500 metros.
Paralelamente, como se dixo, reordenaranse os accesos á estrada dende vías ou vivendas próximas en distintos puntos quilométricos da estrada. O conxunto das obras na LU-152 teñen un prazo de execución de oito meses.
Raquel Arias visitou a zona, deténdose na travesía de San Acisclo, acompañada polos alcaldes de Foz, José María García Rivera, e O Valadouro, Eulogio Fernández Sampayo.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
Estivo arroupado nun salón de actos repleto de xente.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
