SAN CIBRAO .- Queremos Galego recolleu no mercado de San Cibrao sinaturas e anunciou que o festival “Música contra o decretazo” disporá dunha fila cero para aquelas persoas que queiran apoiar o evento e non poidan asistir. A sección mariñá da Plataforma Queremos Galego continúa a campaña social de recollida de sinaturas para a presentación dunha Iniciativa lexislativa Popular co obxectivo da presentación dunha Proposición De Lei no Parlamento de Galiza que pretende anular o proxecto de Decreto de galego no ensino que elaborou a Xunta de Galiza coa intención de aprobala antes de que remate o actual curso escolar.
NOTA DE PRENSA
Queremos Galego recolleu no mercado de San Cibrao sinaturas de apoio á Iniciativa Lexislativa Popular a prol do galego no ensino
Queremos Galego anunciou que o festival “Música contra o decretazo” disporá dunha fila cero para aquelas persoas que queiran apoiar o evento e non poidan asistir
A sección mariñá da Plataforma Queremos Galego continúa a campaña social de recollida de sinaturas para a presentación dunha Iniciativa lexislativa Popular co obxectivo da presentación dunha Proposición De Lei no Parlamento de Galiza que pretende anular o proxecto de Decreto de galego no ensino que elaborou a Xunta de Galiza coa intención de aprobala antes de que remate o actual curso escolar.
Representantes da Plataforma recolleron sinaturas no mercado de San Cibrao explicando e dando a coñecer a súa proposta e facendo un chamamento a apoiar a ILP xa que so dende a mobilización da sociedade seremos capaces de virar as intencións dos actuais gobernantes da Xunta de Galiza de retrotraer a tempos pretéritos os avances nos dereitos lingüísticos no noso país.
A plataforma cidadá considera un autentico escándalo a posición do goberno galego coa súa proposta lingüística na medida que a mesma está a xerar unha gran discordia no conxunto da comunidade educativa e da sociedade galega así como tamén pola súa teimosía en tentar aplicar un decreto que xa recibiu o rexeitamento do profesorado, representantes do profesorado, alumnado, pais e nais, universidades, traballadores/as de normalizacións lingüística, equipas de normalización lingüística, expertos doutros países, editores, ILGA, RAG, Consello da Cultura Galega, etc. Os e as representantes de Queremos Galego consideraron especialmente grave que a Xunta pretenda introducir unha modificación lexislativa coa oposición do Consello escolar de Galiza, máximo órgano de representación da comunidade educativa galega, ao tratarse da primeira norma na historia de Galiza que se aproba no ensino coa oposición do Consello Escolar Galego.
Queremos Galego vai organizar recollidas públicas de sinaturas no conxunto das vilas da Comarca e tamén en eventos sociais como a Feira de Artesanía do Ferro de Riotorto. No mesmo obxectivo anunciamos a todas aquelas persoas que desexen prestar o seu apoio a iniciativa que se poñan en contacto coas asociacións que forman parte da plataforma para asinar esta ILP.
Por último desde Queremos Galego informaron que o vindeiro Sábado 17 de Abril vaise celebrar en Pontevedra un festival polo galego no que participarán 17 grupos da escena musical galega para expresar o seu rexeitamento ao decreto lingüístico da Xunta de Galiza. Os grupos que van participar no mesmo son do máis diverso e acollen unha ampla representación do mundo musical galego e entre eles atópanse formacións como Luar na Lubre, Berrogüeto, Roi Casal, Fuxan os Ventos, A Quenlla, Ruxe Ruxe, Uxía Senlle, Susana Seivane, Nordestinas, Tino Baz, etc. Os e as representantes de Queremos Galego lembraron que para asistir a este festival aínda se poden mercar entradas a prezo anticipado de 10 euros en diferentes locais da comarca da Mariña ou na web da plataforma www.queremosgalego.org , no caso do concello de Cervo no Caseto de Copa en Cervo.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
