As medidas gobernativas á carta están a cobrar cada vez maior protagonismo neste noso goberno da era Feijoo. Ensino á carta, para que cada pai e nai poidan escoller sen importar moito o caos que se poida xerar de cara á organización dos centros; urbanismo á carta para que os alcaldes e alcaldesas galegos poidan adoptar o urbanismo máis acaído as “peculiaridades” da construción no seu concello; e agora, TV á carta.
Cando o tratamento informativo da manifestación de “Queremos galego” do 18 de outubro tivemos que asistir a unha considerábel falta de rigor xornalístico. Os directivos que dispoñen como se ha de organizar o tratamento da información nos telexornais non andaron finos. Mesmo o señor Carlos Luis Rodríguez, condutor do programa “Foro aberto”, nos instruíu cunha entrevista “agresiva” ao señor Carlos Callón, presidente da Mesa. Así a cualificou o director da CRTVG, Alfonso Sánchez Izquierdo. Disque o xornalista en cuestión quería emular o estilo da BBC. Manda truco! E nós, mal pensados, que considerabamos que estaba a ser parcial.
Mais non rematou aí o estilo de TV á carta. Este luns 22 de marzo, o “Foro aberto” tratou o tema do urbanismo de Barreiros. Como convidado estaba o señor Alfonso Fuente Parga. Días antes, el e tres concelleiros máis do PP, ademais da arquitecta do concello, foran imputados pola Fiscalía Provincial de Lugo por presunta prevaricación urbanística. Ademais de se revirar contra quen puxera en coñecemento dos organismos pertinentes o que estaba a acontecer en Barreiros, o señor Antonio Veiga Outeiro, ao alcalde barreirense tamén se lle ocorreu reducilo todo a unha vinganza cruel e terribelmente inxusta. O anterior director da Axencia de Protección da Legalidade Urbanística, tras ser cesado, tería decidido filtrar información para inculpar ao señor Fuente Parga. Escusa de mal pagador. Agora tócalle a D. Hipólito Pérez levar a culpa. Mañánà xa veremos; alguén haberá a quen botarlla.
Pero a repanocha de toda esta historia vivímola a noite do 22 de marzo cando Carlos Luis Rodríguez lle espetou á audiencia, para deleite do señor Fuente Parga: “Síntese vostede perseguido polo bipartito e polo fiscal?” Supoñemos que a reacción do edil barreirense nos seus adentros sería a típica de “alégrame que me faga esa pregunta!”. Tan pouco rigor e profesionalidade vimos nese programa por parte do xornalista condutor do debate, que ata o mesmísimo director da CRTVG, D. Alfonso Sánchez Izquierdo, recoñeceu en sede parlamentaria que o programa “Foro aberto” da noite do 22 de marzo non lle gustou, disque pola concepción de fondo que se trasladaba do plantexamento da entrevista (?). Non sei se ao señor Fuente Parga lle dará agora po dicir que a culpa tena todiña Anxo Quintana por facer semellantes preguntas en sede parlamentaria.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
