CERVO .- Uns 600 veciños participarán o vindeiro día 1 de maio nos actos adicados aos maiores no Concello de Cervo, entre eles unha trintena de parellas do concello con máis de 50 anos de unión que recibirán unha homenaxe no Día do Xubilado.
Nota de Prensa
Ao redor de 600 veciños participarán o vindeiro 1 de maio nestes actos festivos adicados aos maiores
UNHA TRINTENA DE PARELLAS DO CONCELLO CON MÁIS DE 50 ANOS DE UNIÓN RECIBIRÁN UNHA HOMENAXE NO DÍA DO XUBILADO
Cervo, 23 de abril de 2010.- A concelleira de Asuntos Sociais do Concello de Cervo, Pilar Armada Carrete, confirmou hoxe que máis de 30 parellas serán obxecto o vindeiro día 1 de maio dunha homenaxe por ter 50 ou máis anos de casadas coincidindo coa celebración do Día do Xubilado que cada ano organiza este Concello para os seus maiores.
Segundo Armada, a resposta destas parellas foi “sorprendente” e aínda que o prazo de inscrición rematou a pasada semana “o que estamos facendo agora é comprobar que todos os que se apuntaron cumpren realmente esa cifra de anos como parellas, polo que non descartamos que aínda podan ser máis os que sexan finalmente homenaxeados” indicou.
A edil cervense lembrou que esta novidosa idea pretende ser un recoñecemento “sinxelo e emotivo” a estes veciños “precisamente o día que está adicado a tódolos maiores do noso concello”. Así mesmo recalcou que nas vindeiras edicións desta celebración está previsto adicar a xornada a un colectivo específico das persoas maiores. “No vindeiro ano a nosa intención é facerlles un homenaxe as viúvas e viúvos” adiantou Armada.
Por outra banda, a responsable da área de Servizos Sociais do Concello de Cervo sinalou tamén que na edición deste ano do Día do Xubilado está confirmada a asistencia de ao redor de 600 veciños das distintas parroquias do municipio.
Ao igual que en anos anteriores, a XXVII edición do Día do Xubilado do Concello de Cervo terá lugar o vindeiro 1 de maio e contará con moi diversas actividades entre as que se atopa unha misa e o tradicional xantar de confraternidade. “En ámbolos dous actos as parellas homenaxeadas terán un especial protagonismo, pero tamén se agasallará a tódolos asistentes e se fará entrega dos premios aos gañadores dos campionatos de tute e parchís que se están a desenvolver actualmente”.
Excursión a Silleda
A concelleira cervense lembrou tamén que segue aberto o prazo para aquelas persoas maiores que desexen participar na excursión programada polo Concello para asistir o vindeiro 13 de xuño a Silleda á Semana Verde de Galicia.
As persoas que queiran participar nesta viaxe deberán cumprir os seguintes requisitos:
* Ser pensionista polos conceptos de xubilación, invalidez ou viuvez.
* Poder valerse por si mesmo.
* Estar empadroado no Concello de Cervo.
O prezo das excursións é de 10 euros e nel se inclúe o desprazamento e a entrada ao recinto feiral.
As persoas interesadas en participar nesta viaxe deberán formalizar a súa inscrición antes do 31 de maio nas oficinas municipais da Casa da Cultura de San Ciprián mediante o pago das cantidades correspondentes
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
