SANTIAGO.- O Consello da Xunta acordou autorizar a Consellería de Economía e Industria a concesión dunha prórroga de dous anos na vixencia do aval financeiro polo importe de 2,24 millóns de euros concedido polo Instituto Galego de Promoción Económica (Igape) en 2008 ao Grupo Támega, S.L., para que poida completar o desenvolvemento do plan de viabilidade que está a impulsar esta sociedade, que emprega na actualidade a 140 traballadores.
NOTA DE PRENSA:
ECONOMÍA E INDUSTRIA PRORROGA UN AVAL DE 2,24 MILLÓNS DE EUROS AO GRUPO TÁMEGA PARA COMPLETAR O DESENVOLVEMENTO DO SEU PLAN DE VIABILIDADE
*
A empresa poderá incrementar, así, o período de carencia para a amortización do principal do préstamo avalado polo Igape
#
# O Grupo Támega, especializado en transporte de mercadorías, emprega 140 traballadores
A liña de avais do Igape é un instrumento do Goberno da Xunta habilitado para que as empresas galegas viables poidan consolidar a súa actividade e manter o emprego, dúas prioridades do Goberno galego
O Consello da Xunta acordou autorizar a Consellería de Economía e Industria a concesión dunha prórroga de dous anos na vixencia do aval financeiro polo importe de 2,24 millóns de euros concedido polo Instituto Galego de Promoción Económica (Igape) en 2008 ao Grupo Támega, S.L., para que poida completar o desenvolvemento do plan de viabilidade que está a impulsar esta sociedade, que emprega na actualidade a 140 traballadores.
Coa prórroga a empresa poderá incrementar o período de carencia do préstamo bancario de 3,2 millóns de euros avalado polo Igape e destinado á reestruturación de pasivos. Esta operación permitirá á empresa aprazar dous anos máis o período de carencia na amortización do principal, o que lle facilitará o acceso ao financiamento adicional para circulante, para pagamento de provedores e obtención de liñas de confirming.
O Grupo Támega xurdiu da fusión de varias empresas familiares de transporte de mercadorías con base no norte de Lugo, e constitúe na actualidade unha das principais empresas galegas do sector, tanto polo seu número de vehículos como pola súa oferta de rutas por toda a zona norte de España.
Coa prórroga do aval concedido polo Igape, a empresa obtén máis facilidades para a devolución do préstamo avalado, ao incluír a operación un prazo adicional de dous anos de carencia para a amortización do principal. Deste xeito, e mediante a consecución de financiamento adicional, o Grupo Támega poderá concluír o desenvolvemento do seu plan de viabilidade para consolidar a continuidade da empresa e o mantemento do cadro de persoal.
Neste sentido, cómpre sinalar que, xunto cos programas re-Brote e re-Solve, a liña de avais do Igape é un instrumento habilitado polo Goberno da Xunta para que as empresas galegas viables poidan obter financiamento e cubrir as súas necesidades de circulante ou para refinanciar os seus pasivos a curto prazo. O obxectivo é consolidar a actividade empresarial e manter o emprego, que son dúas prioridades do Goberno galego.
O programa financeiro da Consellería de Economía e Industria está orientado, en gran medida, a facilitar apoios á viabilidade e a continuidade das empresas mediante instrumentos tan específicos como os avais, destinados a compartir riscos cos empresarios e facilitar o financiamento para reestruturar pasivos, ou para circulante.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
