CERVO .- O alcalde de Cervo, Alfonso Villares, aproveitou a estadía hoxe no Concello do subdelegado do Goberno en Lugo, José Vázquez Portomeñe, para solicitarlle a axilización de distintas obras e proxectos xestionados dende o Goberno local que dependen da administración estatal.
O rexedor lembroulle ao representante do Goberno do Estado na provincia que o Concello está pendente de que se materialicen obras como a mellora da praia de Rueta, ou a colocación dunha pasarela peonil na estrada N-642 na zona de Cuíña, “actuacións todas moi importantes para o conxunto de veciños e veciñas de Cervo, todas elas tramitadas administrativamente e das cales nos atopamos á espera de que se concrete a súa realización” lembrou.
Villares recordou tamén a necesidade de cumprimentar as obras de saneamento que se están a facer actualmente en San Ciprián coa construción dun emisario submarino de máis lonxitude ao contemplado no proxecto e dese xeito garantir que os vertidos da estación de tratamento de augas residuais non inflúan na captación de auga das plantas acuícolas que se atopan no polígono de Cuíña. “Xa os redactores do proxecto eran coñecedores das reivindicacións feitas por estas empresas piscícolas a través de informes que presentaron e que non foron tidos en conta, de xeito que neste momento temos un saneamento a medias que necesita rematarse e aproveitei a estadía do señor Portomeñe para lembrarlle esta circunstancia e a nosa preocupación ao respecto” dixo.
Por último, o alcalde cervense asegurou que o grupo de Goberno local continuará na liña de “colaboración mutua e perfecto entendemento” mantida ata o momento coa administración central “e que non ten outro obxectivo máis que o de mellorar as infraestruturas e os servizos dos nosos veciños e revalorizar a franxa costeira do noso término municipal de xeito respectuoso co medio ambiente para o uso e goce de tódolos veciños”.
O alcalde de Cervo valorou positivamente a visita do subdelegado do Goberno
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
