Nota de Prensa
O BNG CONSIDERA QUE O ALCALDE UTILIZA O IMPAGO DAS NÓMINAS AOS TRABALLADORES MUNICIPAIS COMA UNHA CORTINA DE FUME DIANTE DE TODO O QUE LLE ESTÁ A CAER ENRIBA A ÉL E AO CONCELLO. OS NACIONALISTAS PEDIRÁN EXPLICACIÓNS DO OCORRIDO NO PLENO DESTE MES DE MAIO.
Barreiros, 5 de maio de 2010. O BNG considera que o alcalde utiliza o impago das nóminas aos traballadores municipais coma unha cortina de fume diante de todo o que lle está a caer enriba a él e ao Concello. Os nacionalistas pedirán explicacións do ocorrido no pleno deste mes de maio.
Desde o grupo municipal do BNG sinalan que “a ninguén se lle escapa que a situación contable do Concello de Barreiros foi polémica nos últimos anos, estivo no punto de mira do Consello de Contas por non falarmos de temas urbanísticos polos que tamén está no punto de mira. En todo este asunto do cobro das nóminas por parte dos traballadores pensamos que o alcalde está a facer o papel de falsa víctima, tan habitual nel, para distraer a atención sobre a súa persoa por outras cousas que todos sabemos cales son, que existen e que están enriba do alcalde e enriba do Concello de Barreiros”.
Os nacionalistas amosan “o noso respecto para os traballadores do Concello, pero eses traballadores como tal terán unha xunta de persoal, terán un comité de empresa que será o que terá que tomar cartas no asunto e os traballadores terán tamén os seus representantes sindicais que son os que teñen tomar cartas neste asunto. Brindámoslles a nosa colaboración e apoio por se os precisan e creo que o farán tamén o resto dos grupos políticos. Aí saben os traballadores que non hai ningún problema co BNG, ao contrario nos prestamos por si lles podemos ser útiles en algo”.
No BNG consideran que “o problema de fondo é que o alcalde de Barreiros trata de dirimir nos medios de comunicación os seus problemas persoais cunha traballadora, facendo xuizos de valor. Agora enterámonos de que a productividade no Concello se concede ao libre albedrío e dependendo de si se levanta de bó ou mal humor o alcalde. Todo o mundo sabe que as productividades están baremadas en función do posto, están en función do nivel e suxeitas a un acordo marco entre empresa e traballadores, neste caso entre alcaldía e traballadores”.
O grupo municipal do Bloque Nacionalista Galego entende que “trata de utilizar o problema dos traballadores para botar unha cortina de fume diante de todo o que lle está a caer enriba ao Concello de Barreiros. Nós sí entendemos que ten que haber unha fiscalización e a persoa encargada de fiscalizar os pagos do Concello ten que exercer a súa función”. Os nacionalistas aseguran que “non é a primeira vez que hai reparos de intervención a pagos por kilometraxe, esto ven ocurrindo desde hai varios anos. É curioso porque a principios deste ano que houbo un recoñecemento extraxudicial de créditos por importe de 589.000 euros, aí ían pagos por kilometraxe feitos en 2008 e 2009 por importe de 8.709 euros, polo tanto non nos sorprende a xestión contable do Concello e que saian estas cousas. Non entendemos onde está a relación entre que non se lles pague a 6 traballadores e que non se lles pague a 50, ¿cal é o problema? supoñemos que se trata dun problema administrativo que ten que ter unha solución xa. Neses seis reparos é curioso que se repiten o tipo de desprazamento e as persoas que fan eses desprazamentos, pero o alcalde terao que explicar no pleno deste mes de maio con todo luxo de detalles, porque aí é onde o hai que explicar e non nos medios de comunicación”.
Desde o BNG lembran que o Concello de Barreiros destina nos seus orzamentos deste 2010 máis de 1.740.000 euros a gastos de persoal “algo máis da metade dos presupostos”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
