BURELA (FNC) .- A concelleira de Benestar Social, Neves Cando, subliña que o Concello destinou en tres anos máis de 100.000 euros para a compra de material escolar, deportivo e roupa por parte das familias de Burela ao comezo do curso escolar. Cando asegura que as axudas do 2009 están en fase de tramitación e que se pagarán en breve.
A edil nacionalista sinala que “desde as Concellarías de Benestar Social e Comercio emprendimos en setembro de 2009 por terceiro ano consecutivo a campaña de axuda ás familias para paliar os gastos derivados do comezo do curso escolar e para potenciar tamén ao noso comercio local favorecendo que esas compras de principios de curso se realizasen en Burela”.
Neves Cando fixo balance “desta terceira campaña na que aportábamos 40 euros por cada neno e cada nena censada en Burela que realizase as compras de material escolar, deportivo ou roupa no comezo do curso en comercios de Burela. Foron 941 as solicitudes presentadas e 920 as resoltas favorablemente polo que o montante total aportado polo Concello ás nosas familias foi de 36.800 euros. No 2007 foron 949 as axudas concedidas que fixeron un total de 33.215 euros, no segundo ano, no 2008 foron 1.001 as axudas concedidas e 40.040 euros o montante total aportado polo Concello de Burela. O que suma máis de 100.000 euros que dende o Concello se aportaron para este fin. O balance é moi positivo non só por estas axudas senón tamén porque sabemos que polo menos o tripe desta cantidade é dicir uns 300.000 euros se quedaron no comercio de Burela nestas compras de principio de curso”.
A concelleira de Benestar Social asegura que “o pago das axudas deste último ano xa se está a tramitar no departamento de tesourería do Concello e cando remate a súa contabilidade, vai por menos da metade, nos vindeiros días xa se ingresarán os cartos correspondentes a cada familia”. Cando considera que “cumprimos así cos nosos compromisos, algo que parece que non lle senta moi ben á oposición, pero a nosa obriga é traballar e xestionar os cartos para facer fronte a estes servizos e as estas axudas e así o fixemos. Pero isto non lle gusta ao PP porque nunca eles aportaron máis de 100.000 euros como nós fixemos en tres anos ás nosas familias nin fixeron ningunha campaña de apoio ao comercio local como esta, e isto doe, doe moito e por iso non fan máis que protestar. Pola nosa parte seguiremos traballando para non recortar ningún servizo social nin ningunha prestación ás nosas familias, porque para recortar axudas e cartos públicos xa está o PP na Xunta de Galicia”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
