XOVE .- O pasado sábado 29 de maio tivo lugar no Pavillón Municipal de Deportes de Xove o XVIIº TORNEO CONCELLO DE XOVE DE XIMNASIA RÍTMICA, unha das competicións deportivas de ritmica con máis tradición da nosa Provincia. O Torneo, organizado polo Concello a través da Concellería de Cultura e a Escola Municipal de Ximnasia Rítmica, deu comezo ás 17:30 horas coa presencia de 6 equipos, as Escolas Municipais de: Xove, Lugo, Vilalba, Rábade, Outeiro de Rey e Guitiriz, cunhas 130 ximnastas de prebenxamín a xuvenil.
O Torneo, comezou ás 17:30 horas co Desfile Inaugural, dando paso a continuación á exhibición “LA GRAN BOLA DE QUESO” a cargo das alumnas de Prebenxamín e Benxamín da Escola Municipal de Ximnasia Rítmica de Xove.
Rematada a exhibición, comezou acompetición propiamente dita coa modalidade de conxuntos da categoría pre-benxamín, onde o equipo da Escola Municipal de Xove se proclamou campión desta categoría seguido das escolas de Guitiriz e Vilalba.
En Conxuntos Benxamín, gañou Vilalba, seguido de Guitiriz e Rábade.
En individuais alevín, a xovense Pilar Vázquez quedou campiona, seguido de Marta Fernández e Ana Vilela; En conxuntos alevín, primeiro foi Gutiriz, segundo Outeiro de Rey e terceiro Vilalba.
En Infantil individual, primeira foi Candela Dapena de Outeiro de Rey, segunda Andrea Sanjurjo de Guitiriz e terceira Noela Bouza da Escola de Xove; En infantil conxuntos, gañou Guitiriz, segundo foi a Escola de Xove e terceiro Outeiro de Rey.
En Iunior individual gañou Tania Gayos, seguida de Lucía López e Claudia Miragaya; en conxuntos iunior impúxose a Escola de Vilalba, seguida de Rábade e Lugo.
Xa en categoría xuvenil, en individual masculino, gañou Jonhatan Carro, e en individual feminino, primeiro foi Arlet Vilar, seguida de Silvia Seijas; rematamos coa categoría de xuvenil conxuntos, gañada pola Escola de Vilalba, seguida de Guitiriz, ocupando a Escola de Xove a terceira posición.
Unha vez terminada a competición, tódalas ximnastas participantes ofrecéronlle ao público que ateigaba o Pavillón Municipal de Xove, unha preciosa Exhibición baixo os acordes de Hallelujah interpretada marabillosamente por Rufus Wainwright.
Rematou o Torneo coa entrega de trofeos aos gañadores, acto no que estiveron presentes o Concelleiro de Deportes José Manuel Balseiro, a Concelleira de Cultura Dolores Meitín e o Concelleiro de Obras José Manuel González.
Pola súa banda, o Concello de Xove regaloulles a tódalas participantes unha bonita mochila de recordo do Torneo.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
