NOTA DE PRENSA:
Así o confirmou a conselleira de Sanidade, Pilar Farjas, no Parlamento así como outros cargos públicos deste departamento autonómico en múltiples declaración públicas
BURELA DISPORÁ DUN XERENTE CON AUTONOMÍA E CAPACIDADE DE DECISIÓN PLENA SOBRE OS CENTROS DE SAÚDE E O HOSPITAL
* Os populares subliñan que xestionará o seu propio orzamento, como ata o de agora
A Mariña, 13 de maio de 2010.- Ante determinadas informacións publicadas no día de hoxe sobre os efectos do novo modelo de xestión integrada que o SERGAS ten previsto poñer en marcha na área sanitaria da Burela (norte lucense), os populares da Mariña queren clarexar varios aspectos:
1º.- A área sanitaria de Burela (norte lucense) disporá dunha xerencia única con autonomía e capacidade de decisión plena sobre os centros de saúde (atención primaria) e sobre o hospital (atención especializada), ata o momento o xerente solo xestionaba o centro hospitalario.
– Declaracións no día de onte da Conselleira de Sanidade no Parlamento de Galicia a unha pregunta do BNG e na rolda de prensa ofrecida en Monforte.
2º.- Non é certo nin que o Hospital de Burela vaia a perder a súa xerencia nin que esta perda autonomía en relación cos órganos centrais do SERGAS de Santiago ou de Lugo. Un dos feitos máis significativos para realizar esta afirmación é que, tal e como adiantou a xerente do SERGAS na súa comparecencia no Parlamento, os xerentes das áreas sanitarias seguirán “negociando” a xestión do seu orzamento, ademais disporán, como ata o de agora dun orzamento independente.
– Declaracións o xoves 29 de abril de 2010 da Xerente do Servizo Galego de Saúde na súa comparecencia na Comisión de Sanidade do Parlamento de Galicia
3º.- O Partido Popular lamenta que a sucesión de informacións erradas, xunto ás manipulacións interesadas dos partidos da oposición, teña como resultado xerar unha estratexia de confusión que tan só pretende provocar alarma social entre os veciños. En todo caso, a Xunta do PP seguirá a traballar, como xa o vén facendo, para mellorar o sistema público de saúde despois de anos de deterioro consecuencia da nefasta xestión do bipartito.
4º.- Os populares sinalaron que desde a oposición bipartita primeiro comezaron asegurando que pecharía o hospital para converterse en pouco máis ca un ambulatorio –algo que desmentiron os propios feitos, comprometeuse un investimento para obras superior ao efectuado polo bipartito, recupéranse as autopsias, crearase un servizo permanente de detección precoz do cancro de mama, ampliarase a área de diálise e introducirase a diálise peritoneal-. Despois afirmaron que se suprimiría a área sanitaria, algo que se desmentiu rotundamente e agora queren sementar dúbidas ao respecto de creación da área de xestión integrada de Burela. Con estes cambios de discurso, PSOE e BNG, nin son serios, nin teñen credibilidade.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
