A MARIÑA .- A Plataforma Queremos Galego convoca a todos os veciños e veciñas da Mariña a participar da mobilización convocada por este colectivo para o vindeiro 17 de Maio en Santiago de Compostela a fin de facer expresa a nosa repulsa a política lingüística. O 17 de Maio saíran autobuses da Mariña para acudir a Compostela.
Nota de Prensa
O 17 de Maio saíran autobuses da Mariña para acudir a Compostela.
A Plataforma recolle sinaturas o Sábado en Foz, Barreiros e Viveiro.
Queremos Galego chama a manifestarse o 17 de Maio en Compostela.
A sección mariñá da Plataforma Queremos Galego convoca a todos os veciños e veciñas da Mariña a participar da mobilización convocada por este colectivo para o vindeiro 17 de Maio en Santiago de Compostela a fin de facer expresa a nosa repulsa a política lingüística da Xunta de Galiza. Segundo declarou Ramón Ermida “os propios estudios que está a facer públicos nestes días a administración autonómica avalan que é precisamente o galego a lingua da que os nosos mozos e mozas saen incompetentes unha vez rematados o ensino obrigatorio, o que evidencia que o único idioma en risco no noso País é o galego”, neste sentido Ermida demandou “ a necesidade de máis presión por parte da sociedade galega para conseguir traer ao consenso en materia linguística ao PP como xeito de garantir a pervivecia e o futuro do idioma que nos é propio”
Queremos Galego da Mariña anunciou que o colectivo ten previsto poñer autobuses desde todos os Concellos da Comarca para participar nesta manifestación que está chamada a ser histórica e que vai ter o seu remate na Praza do Obradoiro. O Portavoz de Queremos Galego lembrou que aquelas persoas que queiran acudir a manifestación desde A Mariña só teñen que anotarse chamando aos telefones 982 140 654 ou 982 581861 ou ben anotándose no correo electrónico da plataforma queremosgalegoamarinha@gmail.com. Así desde Queremos Galego están convencidos que é fundamental unha forte resposta social que vire toda a carraxe que o Partido Popular está verquendo contra o noso idioma en enerxía positiva a prol do galego xa que esta mobilización vai ser o termómetro, a auténtica enquisa da sociedade galega a está política xenocida co idioma da Xunta de Galiza.
O Portavoz de Queremos Galego definiu a política educativa da Xunta de Galiza como un “un autentico escándalo que está a xerar unha discordia no conxunto da comunidade educativa e da sociedade galega e tamén pola súa teimosía en tentar aplicar un decreto que xa recibiu o rexeitamento do Consello escolar de Galiza, máxima órgano de representación da comunidade educativa”. Neste sentido desde Queremos Galego consideran un feito inédito que a Xunta pretenda introducir unha modificación lexislativa coa oposición deste organismo, pois tratase da primeira norma na historia de Galiza que se aproba no ensino coa oposición do Consello Escolar. Na mesma liña anunciaron que sección mariñá de Queremos Galego segue a recoller sinaturas a prol da ILP que o colectivo vai presentar no Parlamento de Galiza.
A Plataforma que engloba a máis de 50 colectivos da comarca vai levar adiante a recollida de sinaturas ao longo de todo este mes a fin de chegar aproximadamente aos 10000 mil apoios, tendo xa a esta altura repartido pregos, e recollidas sobre unhas 3000 sinaturas. Nesta liña é de destacar o importante apoio que esta a ter a ILP entre a comunidade educativa, volcada absolutamente no apoio a mesma, tanto no plano do profesorado, como dos pais e nais e do alumnado. Queremos Galego vai continuar coas recollidas públicas de sinaturas no conxunto das vilas da Comarca e concretamente este Sábado vai colocar mesas con pregos en horario de mañá en Foz, en Barreiros e en Viveiro. daderos esfuerzos inversores de las administraciones que encabezan, sin tener que parasitar obras que son fruto de convenios que sufragan otras administraciones.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
