LUGO .- A Consellería de Traballo e Benestar subvencionará a contratación de 73 socorristas nas praias lucenses durante a campaña de verán. A delegada territorial da Xunta, Raquel Arias, subliñou que o concello de Foz recibirá subvención para a contratación de 10 traballadores, os mesmos que o pasado ano, durante o período máximo de tres meses. Arias considera que precisamente Foz “é un exemplo de que o goberno da Xunta non xestiona pensando nas cores políticas dos concellos, porque neste municipio ten realizado un importante esforzo inversor”.
Nota de Prensa
A XUNTA INCREMENTA O NÚMERO DE CONTRATOS SUBVENCIONADOS PARA POSTOS DE SOCORRISMO NAS PRAIAS DA PROVINCIA DE LUGO
* Todas as praias poderán contar cos profesionais xa contratados coincidindo co inicio da campaña do verán
* A cifra de especialistas que se poderán contratar chega a 73, superando as cifras relativas á costa lucense nos últimos anos
* A delegada territorial, Raquel Arias, rebate ao alcalde de Foz afirmando que “o goberno da Xunta non xestiona pensando nas cores políticas dos concellos”
Lugo, 7 de xuño de 2010.- A Consellería de Traballo e Benestar subvencionará a contratación de 73 socorristas nas praias lucenses durante a campaña de verán do presente ano. O departamento autonómico xa comunicou á maioría dos concellos as subvencións concedidas para que poidan tramitar a contratación dos especialistas.
Estas axudas propiciarán a contratación de 73 persoas desempregadas, unha cifra que supón un incremento de persoal con relación aos dous últimos anos, e que supoñen un investimento de 310.828 euros, semellante á investida nas últimas tempadas.
A Consellería de Traballo e Benestar adoptou esta resolución a semana pasada, en datas similares a exercicios anteriores, e está a comunicar a decisión aos concellos beneficiarios para que poidan realizar a oferta de emprego de inmediato.
Os concellos lucenses que reciben as axudas para este tipo de contratos –que se enmarcan dentro das subvencións dos programas de cooperación- son os de Barreiros, Burela, Cervo, Foz, Ribadeo, O Vicedo, Viveiro e Xove. Todos eles manteñen ou superan o número de contratos subvencionados na campaña do pasado ano.
Dado o carácter estacionario debida á propia natureza do traballo, os contratos terán unha duración maioritariamente de tres meses, segundo as solicitudes realizadas por cada concello.
O caso de Foz
A delegada territorial da Xunta, Raquel Arias, subliñou que o concello de Foz recibirá subvención para a contratación de 10 traballadores, os mesmos que o pasado ano, durante o período máximo de tres meses.
Arias considera que precisamente Foz “é un exemplo de que o goberno da Xunta non xestiona pensando nas cores políticas dos concellos, porque neste municipio ten realizado un importante esforzo inversor”.
A delegada rexeitou as críticas vertidas polo alcalde da localidade, José María García Rivera, e lembrou que, “en contra do que el insiste en predicar”, o goberno bipartito non comprometera nada con respecto á rede de abastecemento. “Non pasou de ser unha simple pretensión”, asegurou Arias, dado que deixaron que os trámites administrativos caducaran “e foi o actual goberno o que recuperou e reiniciou o proxecto”.
Baixo a dirección de Agustín Hernández, a Consellería de Medio Ambiente, Territorio e Infraestruturas retomou a iniciativa, dotouna orzamentariamente e finalmente, o pasado mes de abril, puido adxudicar as obras de mellora da rede de abastecemento de Foz. A Xunta inviste nesta actuación case dous millóns de euros (1.960.000 euros).
A delegada afirma que “este e outros proxectos similares expoñen claramente que a Xunta goberna para todos, e non mira a composición dos gobernos municipais senón as necesidades dos veciños”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
