A MARIÑA .- Os sindicatos CC.OO, CIG, UGT,CSIF, SAE,SATSE e SLG comprometéronse a apoiar as demandas da Plataforma na Defensa da Sanidade Pública na Mariña que lles trasladou ás organizacións sindicais a preocupación pola perda de calidade asistencial na Mariña
Nota de Prensa
A Plataforma na Defensa da Sanidade Pública na Mariña trasladou ás organizacións sindicais a preocupación pola perda de calidade asistencial na Mariña
A Plataforma pediu a representantes dos sindicatos apoio para manter un servizo sanitario público e de calidade na Mariña tanto na asistencia primaria como especializada
CC.OO, CIG, UGT,CSIF, SAE,SATSE e SLG comprometéronse a apoiar as demandas da Plataforma na Defensa da Sanidade Pública na Mariña
A Mariña, 14 de xuño de 2010. A Plataforma en defensa da Sanidade Pública na Mariña prosigue o seu calendario de reunións con diferentes sectores sociais da comarca da Mariña. Na xuntanza mantida hoxe con representantes das organizacións sindicais para trasladarlles a preocupación pola creación dunha Área Sanitaria única para a provincia de Lugo, centralizando a xestión tanto hospitalaria como dos centros de saúde en Lugo comprobaron a sensibilidade e compresión das forzas sindicais con este tema que adiantaron o apoio das súas organizacións á mobilización que terá lugar o sábado 26 en Burela. Tanto representantes sindicais como a Plataforma coincidiron en que os discursos da Consellaría de Sanidade son contraditorios en si mesmos e coa propia realidade dos pasos que a Xunta de Galiza está dando de cara a un modelo de xestión sanitaria que en nada beneficia a calidade asistencial na comarca da Mariña e por extensión no conxunto do país.
As centrais sindicais comprometéronse a apoiar as demandas da Plataforma na Defensa da Sanidade Pública na Mariña
As centrais sindicais comprometéronse na reunión mantida hoxe con representantes da Plataforma na Defensa da Sanidade Pública da Mariña a apoiar a mobilización convocada para o próximo 26 de maio en Burela que sairá do Hospital da Costa de Burela ás 12hrs.Os e as representantes sindicais difundirán as demandas da Plataforma entre a súa afiliación e nos centros de traballo da comarca que terán cumprida información da táboa reivindicativa da Plataforma social. Tanto a representación sindical como a plataforma coincidiron en sinalar que o discurso contraditorio de representantes da Consellaría de Sanidade son preocupantes en extremo e isto vese incrementado por feitos como a publicación do “Borrador do Decreto de Estrutura Organizativa de Xestión Integrada” que en nada beneficia á Área Norte de Saúde que hoxe ten como hospital de referencia o Hospital da Costa de Burela, así como tamén criticaron con firmeza o modelo privatizador da sanidade pública que o actual goberno da Xunta empeza a aplicar importando un sistema que xa fracasou noutras comunidades sustentadas pola mesma formación política que hoxe goberna en Galiza.
A Plataforma continuará difundindo entre a sociedade mariñá a necesidade de defender un servizo sanitario público e de calidade na Mariña
A Plataforma continuará o seu traballo para difundir entre a sociedade mariñá a necesidade de participar activamente no resgardo dunha sanidade próxima, pública e de calidade; non ten sentido que os veciños e veciñas da comarca teñan que seguir facendo centos de quilómetros de distancia para recibir tratamentos ou facer probas que poderían facerse na comarca. Na mesma liña argumentaron que a parálise do Plan Mellora está a provocar unha importante merma no persoal dos centros de asistencia primaria da comarca nos que faltan 24 profesionais de acordo con este plan que fora aprobado polo anterior goberno galego e tiña o apoio organizacións profesionais do sector, sociedades científicas e os sindicatos.
As demandas da plataforma seguen sen contestación por parte da Consellaría de Sanidade
A Plataforma insistiu en que a Consellaría de Sanidade está a tempo de dar pasos para a desconvocatoria da mobilización do 26 de xuño e sería bo que o fixese, “a independencia da Área Sanitaria da Mariña, a dotación de fondos e execución o Plano estratéxico do Hospital da Costa e execución do Plan mellora para atención primaria” están na man da Consellaría, remataron.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
