Un día, mestres eu garabateaba un xarrón no meu obradoiro tratando de gañar o pan con o suor da miña frente , un amigo entrou coa pulseriña máxica do equilibrio no seu brazo dereito. Desde entón non deixei de atoparme coa estafa en cuestión. Vina na “teletonta” en bonecas de deportistas e de traballadores. Vinlla a camareiros, a cómicos, a xornalistas e a amas de casa, pero a culminación do esperpento chegou cando a descubrín na boneca do lehendakari bloguero Patxi López, e outros 2.600.000 españoliños de a pe según os datos consultados.
Todo isto levoume a preguntarme: fai falta ter coñecementos científicos para ver a estafa que representa semellante produto? É necesario acudir á universidade, fai falta escoitar as conferencias do TED ou ler a Stephen Jay Gould para saber que se trata dun engañabobos revestido de linguaxe pseudocientífico? E a resposta é un non tan obvio que doe. O único necesario é un mínimo sentido común, por certo dicía meu abó Xesus de Regal, que era o menos común dos sentidos.
Durante as últimas semanas preguntei aos portapulseriñas que coñezo o motivo para lucir semellante timo. A resposta coincidiu na maioría dos casos: “bo, nunca se sabe, se cadra funciona”. E cada vez que oio iso imaxínome a un enfermo terminal que acepta, desesperado, o último tratamento experimental. Que teño que perder? Logo de todo, xa estou morto. Trátase, xa que logo, dun acto de fe; a mesma sensación imprecisa que a outros lles leva a aceptar a vida como un val de bágoas deseñado por non se sabe que poder supremo.
O que non sabedes e que as pulseriñas máxicas son un detector de encefalogramas planos terminais, a demostración de que, no século XXI, calquera cousa envolvida en plástico pode adquirir o status de Novo Xesucristo. Eses anacos de goma son a última moda en iconografía idiotízante para a masa sen capacidade crítica. Esas pulseiras, igual que os crucifixos, deberían ser prohibidas nos colexios. E por certo, lehendakari, tamén nos parlamentos.
E despois de todo isto estou completamente de acordo. A pulseira é un detector de idiotas. Así un pódeos localizar rápido e saber a que aterse.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
