CERVO .- Coincidindo co día Internacional do Medio Ambiente tivo lugar o acto de entrega de premios aos gañadores da primeira edición do concurso fotográfico de Medio Ambiente “Cervo Respecta”. As obras estarán expostas no Centro de Cultura e Servizos a Cidadanía de Cervo durante 15 dias e posteriormente faranse con elas unha exposición itinerantes en diferentes puntos do concello.
ENTREGADOS OS PREMIOS AOS GAÑADORES DO CONCURSO FOTOGRÁFICO DE MEDIO AMBIENTE “CERVO RESPECTA”
* O certame tiña por obxecto conmemorar o Día do Medio Ambiente, que se celebra hoxe
Cervo, 5 de xuño de 2010.- Coincidindo co día Internacional do Medio Ambiente esta mañá tivo lugar o acto de entrega de premios aos gañadores da primeira edición do concurso fotográfico de Medio Ambiente “Cervo Respecta” organizado polo Concello de Cervo. O acto estivo presidido polo alcalde de Cervo, Alfonso Villares, e pola concelleira de Medio Ambiente, Pilar Armada.
Na categoría xuvenil (menores 18 anos) o primeiro premio recaeu en Miguel Baltar Fernández, de 14 anos e de San Ciprián, coa obra titulada “Triacastela”, mentres que o segundo premio foi para Aldara Juárez Calleja, de 10 anos e de Rio Cobo, coa foto “Ventana” que sumou un total de 224 puntos.
Na categoría adulta (maiores 18 anos) o gañador foi o xovense Juan Antonio Fernández Vázquez coa instantánea “Presa de Sargadelos e o segundo premio recaeu en Francisco Rodríguez Salgueiro, de Burela, coa obra “Planta do Pé”.
As obras estarán expostas no Centro de Cultura e Servizos a Cidadanía de Cervo durante 15 dias e posteriormente faranse con elas unha exposición itinerantes en diferentes puntos do concello.
O Iº Concurso Fotográfico de Medio Ambiente “Cervo Respecta” púxose en marcha o pasado mes de marzo e tiña por obxecto celebrar o Día do Medio Ambiente, que ten lugar o 5 de xuño. A concellería de Medio Ambiente decantouse pola organización deste evento para que os aficionados á fotografía puideran amosar as súas creacións baseadas na natureza tendo como base o respecto ao medio e á conservación do patrimonio natural.
Otero Regal
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
