Todo o mundo sabe que os políticos só din verdade cando lles interesa. De feito a sona de mentireiros téñena ben gañada. Isto vén a conto das reaccións do PP á manifestación do sábado pasado en Burela en defensa da sanidade pública e da área sanitaria da Mariña.
En primeiro lugar quero deixar clara a miña defensa e posicionamento en favor da sanidade pública, xa que é a única que pode garantir unha asistencia digna sobre todo para as persoas máis desfavorecidas, máis necesitadas e con menos capacidade como poden ser os maiores e as familias con enfermos crónicos. Por outra banda o hospital de Burela ten para min e para moita xente de Burela un alto significado emocional e de identidade, pois é o produto do traballo e da loita de veciños e asociacións de finais dos anos 70 e do comportamento altruísta de moitas familias que doaron as súas leiras para a súa construción.
Non vou entrar nas guerras de cifras dos asistentes á manifestación, pero si quero poñer de manifesto a manipulación do PP nunha nota que pretende desprestixiar o apoio dos veciños no exercicio dos seus dereitos democráticos para reivindicar o que considera en xustiza para o seu benestar e do súa familia como é a saúde.
Podo entender o uso da demagoxia na loita política, pero non podo entender a ignorancia dos nosos representantes, que non saben facer as contas, nin sequera unha simple multiplicación, para achegar os datos aos seus intereses. Nun debuxo de Castelao dille un paisano a outro: –”Os números non enganan”. E retrúcalle: – “Pero poden enganar os que os fan”.
Na nota do PP publicada neste medio di que “non encheron a Praza da Mariña” “Este espazo de aproximadamente 900 metros cadrados, non estaba cheo polo que, facendo un cálculo de 3 persoas por metro cadrado, o número de manifestantes nin se achegou aos 1.500”.
Observen atentamente os números. Cando eu ía á escola 9×3= 27. Polo tanto, ou non se sabe a táboa de multiplicar, ou hai mala intención ou é un erro. Neste último caso deberan recoñecelo, pero sei que non vai ser así; sería a primeira vez. O resultado tería que ser 2.700. A explicación tamén pode ser a que dá Castelao, cando un amigo lle di a outro que está estudando, – “Non estudies. Faite político e podes chegar a Ministro de Instrucción Pública…”
Outro erro de cálculo é o espazo que ocupa a Praza da Mariña. Unha medición feita co SIGPAC, -cousas das novas tecnoloxía- dálle unha área a este lugar de 1.940 metros cadrados, que se os multiplicamos por 3 persoas por metro cadrado que considera o PP como media de asistencia, dá uns resultados de 5.820 veciños da Mariña que reivindicaban unha mellor sanidade pública.
Seguindo a filosofía de Castelao, parabéns a estes políticos, porque teñen moito futuro. Outra cousa é como lle vaia á cousa pública, pero iso, en democracia, é responsabilidade de todos. Xa veremos.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
