RIBADEO (FNC) .- O equipo de goberno no Concello de Ribadeo seguirá a traballar como o veu facendo ata o de agora. Así se pronunciou hoxe o rexedor, Fernando Suárez, despois de que concluise o prazo de presentación da moción de censura que deixaría ao BNG sen a alcaldía de Ribadeo. Os orzamentos municipais de 2010 quedan, polo tanto, aprobados definitivamente.
Desde o grupo de goberno manifestan que “presentamos esta cuestión de confianza porque Ribadeo non se podía arriscar a traballar cun presuposto prorrogado. Tentamos chegar a acordos cos sindicatos dos traballadores municipais e non foi posible, pedímoslles aos outros partidos que fixesen aportacións e como non recibimos resposta algunha decidimos presentar esa cuestión de confianza vinculada á aprobación dos orzamentos”. E engaden que “tomamos a decisión arriscándonos a perder a alcaldía de Ribadeo para tentar cumprir co noso compromiso coa xente e empregando todos os instrumentos que a lei nos permite”.
Nestas semanas de incertidume o equipo de goberno “seguiu a traballar, estivemos preocupados polas chuvias, polas desfeitas ocasionadas no noso concello e pola precariedade económica que nos afecta ao igual que ao resto dos concellos da zona. A moción de censura non nos sacou o sono, non estivemos nin estamos para perder o tempo en intrigas. O único que queríamos e o único que queremos é facer cousas por Ribadeo”.
O alcalde sinalou que “sempre falamos con todos os grupos para chegar a acordos e facer cousas polo noso concello, fixémolo no 2007, hoxe e mañá. Hai unha chea de mostras de que eso sempre foi así”. Suárez Barcia suliñou que “no ano queda ata as vindeiras eleccións municipais seguiremos facendo o mesmo que ata o de agora, que é traballar con todos os mecanismos que a lei pon ao noso alcance. A aprobación dos orzamentos é moi importante para facer obras en camiños das parroquias, en rúas da vila, para o fondo social contra a crise que creamos hai uns meses… Con estes orzamentos de 2010 eses proxectos poderán sair para adiante, senón sería imposible”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
