Moi pouca munición lle debe quedar na casa ao PP de Cervo para ter que se achegar até Covas, no Concello de Viveiro, na busca de materia que lle sirva para disparar contra todo o que se move co obxectivo de ocultar a súa nefasta xestión do affaire “Castro da Atalaia”.Próelles máis da conta. Saben que se este importante xacimento castrexo se libra do cemento é por obra e gracia da loita veciñal e polo empeño de asociacións como MariñaPatrimonio.
Teño para mín que un tal Balseiro pode ser o inspirador da nota publicada o pasado xoves na que, exercendo de axente xudicial , me comunica que estou sendo “ obxecto de investigación por parte da Xustiza” e que sobre mín recae “unha imputación xudicial de índole penal” que me podería definir como “ un agresor ao patrimonio histórico e cultural”. Casi nada, e eu sen me inteirar!.
Agradézolle a ese tal suxeito o benéfico labor que asumiu, mais entendo que as notificacións xudiciais acostuman a chegar por correo certificado e esa aínda non se produciu.
A licenza de obras en Covas que tanto lle preocupa ao PP de Cervo foi ditaminada favorablemente no seu día pola Comisión Especial de Obras , sen votos en contra, cunha abstención e sen nengunha reserva por parte dos técnicos municipais. A Xunta de Goberno Local celebrada o día 4 de decembro de 2006 acordou entender adquirida esta licenza “ por silenzo administrativo, polo transcurso do prazo máximo para resolver expresamente, de conformidade co establecido no artigo 43.5 da Lei 30/1992”.
No punto 2º deste acordo, recóllese: “Entender esta adquisición por silenzo administrativo, unicamente dentro das competencias municipais e sen prexuizo das autorizacións sectoriais ou doutras administracións que sexan esixíbeis, entre as que se atopa o Servizo de Patrimonio de Lugo, da Consellería de Cultura e Deporte, de conformidade á súa Resolución de 3 de agosto de 2006”
E no 3º apartado, dí: “As obras non poderán iniciarse sen a previa presentación do proxecto de execución adaptado ás observacións feitas polo técnico municipal nos seus informes de 24 de maio de 2005 e 24 de febreiro de 2006.”
Con posterioridade, como os devanditos condicionantes non se cumpriron, non se iniciou—nen nunca podería facerse—obra algunha amparada por esa licenza.
Acougue, pois, o tal Balseiro. Para nada necesito dos seus servizos A casa que representa non conta con moito creto á hora de deslexitimar a ninguén en materia de urbanismo nen de urbanidade. Ocúpese dos asuntos da Pesca ou da Sanidade, no que coido é un experto; no coidado da súa incontinencia verbal, hai tratamentos; no ditado das “Memorias dun virachaquetas”, da executiva dun partido á doutro; en repasar a táboa do 3 , que non vén mal para atinar no cómputo de manifestantes, ou en amañar o cisco interno que ten en Viveiro. Enfin, tamén pode darse unha volta por Barreiros e poñer as barbas en remollo ou ir pasar o verán a Gondomar, onde por certo a palabra corruPPción xa se escrebe con dous pes.
FRANCISCO LUÍS RODRÍGUEZ GUERREIRO
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
