LUGO .-O secretario xeral para o Deporte, José Ramón Lete Lasa, visitou esta mañá as instalacións do Estadio Anxo Carro de Lugo nas que o seu departamento investiu preto de 100.000 euros en obras de mellora e a piscina do concello de Lourenzá onde puido ver de primeira man o resultado dos traballos de acondicionamento da piscina municipal na que investiu máis de 55.00 euros.
Lete Lasa tivo a oportunidade de comprobar a mellora nas instalacións do estadio de fútbol Anxo Carro no que se levaron a cabo diversas obras para a creación dunha zona de adestramento de herba artificial detrás da portería norte do estadio, a instalación dun novo marcador electrónico inalámbrico, traballos de rexeneración do terreo de xogo mediante a técnica do picado para que osixenen as raíces do céspede, e a reparación do alumeado das torres. Debido ao temporal que sufriu Lugo hai unhas semanas e que causou importantes danos no transformador eléctrico e nas celas do campo, José Ramón Lete Lasa anunciou a tramitación dunha partida económica para arranxar tamén estes estragos.
Durante a súa visita ao concello de Lourenzá, galardoado recentemente como o mellor concello na promoción da actividade física e o deporte na “Gala do Deporte”, Lete Lasa comprobou o resultado final dos traballos de adecuación do vaso da piscina municipal para adaptala á normativa vixente, para o que a Secretaría Xeral para o Deporte investiu máis de 55.000 euros. Lete Lasa anunciou tamén o compromiso do seu departamento de asumir o custo da construción dun campo de fútbol nesta vila mediante a firma dun convenio entre a Secretaría Xeral e o Concello.
Finalmente, ao mediodía, visitou o aeródromo de Rozas, no concello de Castro de Rei, onde terá lugar o “V Criterium Aeronáutico Galicia 2010” organizado polo Real Aeroclube de Lugo. Este certame celebrarase os días 23, 24 e 25 deste mes e inclúe a XXVII Volta Aérea a Galicia/Volta Aérea Galaico-Duriense; así como mostras de voo acrobático, voo de planadores, aeromodelismo, ULM, paramotor e contará tamén coa presenza dun avión de transporte militar.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
