RIBADEO (FNC) .- Arredor de 4.000 persoas pasaron esta fin de semana pola oficina de turismo de Ribadeo e polo punto de información de As Catedrais, segundo os datos facilitados hoxe polo alcalde, Fernando Suárez.
O rexedor sinalou que “xa por fin instalados nesta época estival con calor e con turismo no noso concello, e a xulgar polas cifras facilitadas tanto pola oficina de turismo de Ribadeo, como polo punto de información turística situado na praia de As Catedrais alentan que Ribadeo segue a ser un referente que vai a máis en materia de turismo. Podemos precisar que en tres días arredor de 4.000 persoas pediron información turística nestes dous puntos”. Fernando Suárez dixo que “ésta é unha tónica que se ven repetindo nos últimos anos e debemos destacar a presenza moi grande de turismo de cercanía, sobre todo de galegos e de asturianos aínda que en menor medida, e tamén recibimos visitas importantes doutros cidadáns do resto do Estado, andaluces, cataláns e madrileños e seguimos incrementando o número de xente do ámbito da Unión Europea, de franceses, moitos deles entran a través do porto deportivo, de alemáns que chegan a Ribadeo facendo o camiño norte e tamén hai unha destacada presenza de italianos”.
O alcalde seguiu a relatar que “polas cifras que teño aquí, na oficina de turismo foron atendidas unhas 3.150 persoas e no punto de información das Catedrais atendéronse unhas 750 persoas. A importante mellora que ano tras ano levamos a cabo na praia das Catedrais, grazas ao convenio asinado coa Deputación para o reforzo da limpeza, de cara a reforzar o socorrismo, o Concello está a alugar un ano máis un aparcamento moi grande para poder dar cabida á cantidade impresionante de vehículos que se achegan a esa praia e este ano se estrea un novo vial coa rotonda feita que da gusto ir por alí e tamén estreamos o servizo de bus praia… hai xente que aínda o está a coñecer. Son todos éstes uns servizos que fan que a praia de As Catedrais e tamén as outras como Esteiro e Os Castros-Illas tamén reciban a numerosos visitantes nestes meses”.
Para Suárez Barcia “o areal das Catedrais é o paradigma dunha praia que recibe a milleiros e milleiros de persoas de diferentes nacionalidades, é un orgullo para nós e ao mesmo tempo desde o punto de información turística se lles da información de Ribadeo, dos establecementos hostaleiros, hoteis… co fin de que retornen á vila outra vez”.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
