CERVO .- A responsable de Medio Ambiente do concello de Cervo, Pilar Armada, arremete contra o anterior goberno galego e contra a vicepresidenta primeira da Deputación, Lara Méndez, para xustificar as razóns polas cales a praia do Torno non acadou a Bandeira Azul e non ten a certificación de calidade promovida pola Deputación. De seguido, a concelleira cervense explica que as analísticas das augas do Torno coincidiron coa época das inundacións e co inicio das obras de saneamento en San Ciprián “e os seus resultados amosaron que eran aptas para o baño, aínda que non excelentes”, requisito necesario para acadar a Bandeira Azul.
NOTA DE PRENSA
Nota de Prensa
ARMADA CREE QUE AS DECLARACIÓNS DE MÉNDEZ ASEGURANDO QUE O TORNO ACADARÍA A CERTIFICACIÓN DE CALIDADE PROMOVIDA POLA DEPUTACIÓN DEIXAN EN EVIDENCIA A RIGUROSIDADE DO PROXECTO AMBIENTAL DO ORGANISMO PROVINCIAL
* Dubidou do interese da Deputación en colaborar cos concellos para por en valor os areais do litoral lucense e lembrou que os actuais responsables provinciais levan denegándolle a Cervo a cesión dunha pala motoniveladora para adecentar os areais do termo municipal
Cervo, 3 de xullo de 2010.- A concelleira de Medio Ambiente do Concello de Cervo, Pilar Armada, sinalou no día de hoxe que a voceira socialista e vicepresidenta segunda da Deputación, Lara Méndez, “quedou unha vez máis en evidencia” coas súas criticas contra o grupo de Goberno municipal pola súa decisión de non adherirse ao programa de certificacións de calidade de praias promovido polo ente provincial.
“As súas declaracións son dun cinismo político que tira para atrás”, asegurou Armada. Para a responsable local de Medio Ambiente, as afirmacións de Méndez criticando e achacándolle toda a responsabilidade ao Concello pola perda este ano da Bandeira Azul na praia do Torno, e a renglón seguido afirmar “sen ruborizarse o máis mínimo” que se o Concello quixera este areal podería ter a certificación de calidade “aclaran e deixan ao descuberto a rigorosidade e fiabilidade deste tipo de distintivos promovidos pola Deputación”.
Para Armada, o “malabarismo dialéctico” da voceira socialista é do máis incongruente e recalcou que “se este ano a praia do Torno non foi merecedora do galardón outorgado por ADEAC “unha organización independente a nivel europeo”, dificilmente podería optar a unha certificación de calidade rigorosa, aínda que a señora Méndez asegure o contrario “e esas palabras déixana en evidencia e poñen de manifesto o ridículo deste proxecto de calidade ambiental”.
Rescisión do contrato
A edila cervense lembrou que a única razón pola cal este ano a praia do Torno non acadou a Bandeira Azul é a decisión dos responsables da Xunta bipartita de rescindir nada máis chegar ao Goberno galego o contrato do proxecto inicial de saneamento de San Ciprián. “Preferiron gastar case 400.000 euros en rescindir ese contrato antes de darlle a San Ciprián un investimento de seis millóns de euros, e por iso, os veciños tiveron que esperar ata agora para que a obra puidera saír por fin adiante, porque si é por eles, San Ciprián aínda non tería saneamento. E todo co único obxectivo de prexudicar ao Goberno local, pero sen darse conta de que os únicos damnificados en todo isto foron os veciños desta vila”.
Armada recoñeceu que as analísticas das augas tomadas no mes de setembro neste areal polos responsables de avaliar a concesión do galardón de Bandeira Azul coincidiron coa época das inundacións sufridas na vila e co inicio das obras de saneamento en San Ciprián “e os seus resultados amosaron que eran aptas para o baño, aínda que non excelentes”, requisito necesario para acadar a Bandeira Azul.
Nula colaboración
A responsable de Medio Ambiente tamén sinalou que as dúbidas apuntadas por eles no mes de xaneiro cando o presidente da Deputación veu á Mariña a presentar este proxecto, confírmanse como verdadeiras coas palabras da vicepresidenta Méndez. Recordou tamén que a proposta do ente provincial limitábase a financiar os custes iniciais para acadar estas certificacións de calidade, pero non asumía o financiamento das posteriores auditorías ás que terán que enfrontarse anualmente os concellos se queren renovar estes distintivos e que viría a supoñer un custe entre 5.000 ou 6.000 euros en cada un dos casos; ou incluso máis, dependendo do número de praias que se tivera que auditar. “Despois de escoitar á señora Méndez, danos a sensación de que esta certificación acadase previo pago deses cartos” recalcou Armada.
Por último, Pilar Armada dubidou do interese que asegura Lara Mérndez ten a Deputación de Lugo en colaborar cos concellos da Mariña para por en valor os areais do litoral lucense e apoiou as súas manifestacións lembrando que os actuais responsables provinciais levan denegándolle ao concello a cesión dunha pala motoniveladora para adecentar os areais do termo municipal nas datas previas ao verán dende que accederon ao poder na Deputación. “Levamos varios anos solicitándolles por escrito a utilización desta maquinaria, igual que o facíamos cos anteriores responsables provinciais, pero dende que accederon ao poder nunca nos contestaron. Tan só se limitaron a utilizar de xeito covarde o silencio administrativo para denegarnos a cesión por un par de días dunha maquinaria que é propiedade do parque provincial e que debería estar ao servizo de tódolos concellos da provincia sen excepción”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
