FOZ .- A delegación de Xuventude do Concello de Foz en colaboración coa escola Hola! Ola!e o club Kayak organiza cursos de piragüismo e de Surf. A escola de Surf Hola! Ola! impartirá cursos de surf na praia de A Rapadoira nas semanas do 19 ao 23 de xullo e do 26 ao 30 de xullo. Na segunda quincena de xullo, do 19 ao 30 e do 2 ao 13 de agosto e do 16 ao 27 de agosto o club Kayak impartirá cursos de piragüismo.
Un mar de actividades
NOTA DE PRENSA
Comunicamos
Que Despois do éxito acadado no curso de iniciación, a Escola de Surf Hola! Ola!
impartirá CURSOS DE SURF nas semanas do 19 ao 23 de xullo e do 26 ao 30 de xullo.
Serán dous grupos e terán un horario será de 16h. a 18h. e celebraranse na Praia da
Rapadoira. O importe destes cursos é de 60€. O único requisito para participar desta
actividade é ter máis de 7 anos e saber nadar. Organiza: Hola! Ola! Escola Surf. Colaboran:
Delegación de Xuventude do Concello de Foz, Área de Deportes da Deputación de Lugo e
Federación Galega de Surf. Todo o material necesario será aportado no curso (traxe,
táboa,…)
Ademais destes cursos de surf, durante a segunda quincena de xullo (do 19 ao 30 de
xullo) e as dúas de agosto (do 2 ao 13 de agosto e do 16 ao 27 de agosto) impartiranse
CURSOS DE PIRAGÜISMO, impartidos polo Club Kayak. O horario será de 11h. a
12:30h. e o seu importe será de 60€. O único requisito para participar nestes cursos é ser
maior de 8 anos e saber nadar. Todo o material é suministrado no curso polo Club Kayak.
Colabora: a Delegación de Xuventude e Deportes do Concello de Foz.
As persoas interesadas poden inscribirse na Casa da Xuventude, ou chamando ao
teléfono 982.133037 ou a través do noso correo electrónico xuventude@concellodefoz.es.
As prazas son limitadas, polo que animamos a todas as persoas interesadas a
inscribirse canto antes para non deixar pasar a oportunidade de aprender a practicar estes
atraíntes deporte
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
